बिडकीन; पुढारी वृत्तसेवा : उधार पैसे देण्यास नकार दिल्याने डोक्यात खलबत्ता घालून मित्राच्या आईचा खून केल्याची धक्कादायक घटना पैठण तालुक्यातील बिडकीन गावात घडली. हलीमा वजीर शेख (वय 65 वर्षे), रा. जांभळी, ह.मु. बिडकीन असे मृत वृद्धेचे नाव आहे. याप्रकरणी पोलिसांनी राजू ईसाक शेख याला ताब्यात घेतले आहे.
याबाबत पोलिसांकडून मिळालेल्या माहितीनुसार, हलीमा शेख यांचा तीन दिवसांपूर्वी घरात मृतदेह आढळून आला होता. यावेळी त्यांच्या डोक्याला जोरदार मारहाण करण्यात आली होती. घरातील बेडसुद्धा पेटवून देण्यात आला होता. पोलिसांनी तपास सुरू केला असता, एक व्यक्ती रात्री तीन वाजेच्या सुमारास महिलेच्या घराकडे जात असल्याचे सीसीटीव्हीमध्ये कैद झाला होता. पोलिसांनी त्यानुसार तपास सुरू केला होता. अखेर तीन दिवसानंतर आरोपीला बेड्या ठोकण्यात पोलिसांना यश आले.
उधार पैसे न दिले नाहीत म्हणून कृत्य
हलीमा शेख आणि आरोपी राजू दोन्ही नातेवाईक आहेत. हलीमा शेख यांची जमीन राजू सांभाळत होता. हलीमा यांचा मुलगा आणि राजू वर्गमित्र होते. हलीमा यांना जमीन काही वर्षांपूर्वी शासकीय प्रकल्पात गेली. त्यांना याचा मोठा मोबदला मिळाला होता. त्यांच्या अंगावर असलेले सोनं आणि पैसे पाहून आरोपीची नियत बिघडली. गेल्या काही दिवसांपासून तो हलीमा यांच्याकडे उधारीवर 1 लाख रुपयांची मागणी करत होता. पण पैसे देण्यास नकार दिल्याने राजू याने हलीमा यांची हत्या केली.
तीन दिवसांनी आरोपीला पकडण्यात यश
पोलिसांनी महिलेच्या घराकडे जाणारे सर्व सीसीटीव्ही तपासले असता एक व्यक्ती दुचाकीवरून आल्याचे दिसून आले. त्यानंतर पोलिसांनी महिलेच्या संपर्कातील लोकांची तपासणी सुरू केली. दरम्यान राजुच्या गाडीवर पोलीसांना संशय आला. सीसीटीव्हीत दिसत असलेल्या गाडीची नंबरप्लेट तुटलेली होती, समोरील भाग तुटलेला होता, गाडीला स्वीच नव्हता. परंतु राजुच्या गाडीला नवीन नंबर प्लेट होती,समोरील भाग नवीन होता, स्विच नवीन होता. त्यामुळे पोलिसांची खात्री झाली आणि त्यांनी राजूची चौकशी केली असता खून केल्याची कबुली त्याने दिली.
लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.