पुढारी ऑनलाईन डेस्क : उत्तरप्रदेशचे मुख्यमंत्री योगी आदित्यनाथ हे सध्या मुंबई दौऱ्यावर आहेत. योगी आदित्यनाथ मुंबई दौऱ्यावर असताना त्यांनी महाराष्ट्राचे राज्यपाल भगतसिंह कोश्यारी यांची राजभवन येथे सदिच्छा भेट घेतली. महाराष्ट्रात शिंदे-फडणवीस सरकार सत्तेत आल्यानंतर योगी आदित्यनाथ पहिल्यांदाच महाराष्ट्रात आले आहेत.
यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस, उत्तरप्रदेशचे माजी राज्यपाल राम नाईक व गोरखपूरचे खासदार रवि किशन देखील उपस्थित होते. राज्यपालांनी योगी आदित्यनाथ यांना छत्रपती शिवाजी महाराजांची मूर्ती भेट दिली. राज्यपालांनी योगी आदित्यनाथ यांची शिवाजी महाराजांची मूर्ती भेट देऊन स्वागत केले.