नूल; पुढारी वृत्तसेवा : नूल ( ता. गडहिंग्लज) येथे लांडग्याने केलेल्या हल्ल्यात सात बकऱ्या जागीच ठार झाल्या तर दोन बकऱ्या जखमी झाल्या. रविवारी रात्री अकराच्या सुमारास ही घटना घडली.
येथील इंदिरादेवी जाधव ज्युनिअर कॉलेज जवळील थोरात यांच्या शेतात अजित मल्लाप्पा धनगर यांच्या मालकीची बकरी बसवण्यात आली होती. अचानक रात्रीच्या वेळी लांडग्याने बकऱ्यांवर हल्ला केला. यात एक ते तीन महिने वयोगटातील सात बकऱ्या ठार झाल्या. पशू वैद्यकीय अधिकारी समाधान चव्हाण यांनी ठार झालेल्या बकऱ्यांचे शवविच्छेदन करून जखमी बकऱ्यांवर उपचार केले. वनरक्षक रणजित पाटील, वनपाल पी. जी. वारंग यांनी घटनेचा पंचनामा केला. या घटनेमुळे धनगर यांचे अंदाजे पन्नास हजार रुपयांचे नुकसान झाले आहे.
हेही वाचलंत का ?