नाशिक(दिंडोरी) पुढारी वृत्तसेवा
नाशिक एअरपोर्टवर बिबट्या असल्याच्या घटना वारंवार चर्चिल्या जात होत्या. परंतु काल सकाळी साडेआठ वाजता चक्क बिबट्याने दर्शन दिल्याने सुरक्षारक्षकासह उपस्थित सर्वांचीच भंबेरी उडाली.
ओझर एअर फोर्स परिसरात या अगोदर बिबट्याने अनेकदा दर्शन घडवले आहे. यापूर्वी या परिसरात बिबट्याचा अनेक ठिकाणी संचार असल्याचे पाहायला मिळाले आहे. मात्र, आता थेट एअरपोर्टवर बिबट्याने दर्शन दिल्याने एअरपोर्ट परिसरात हा विषय गांभीर्याने चर्चिला जात आहे. एअरपोर्ट कर्मचारी व प्रवाशी यांच्या सुरक्षिततेच्या दृष्टीने बिबट्याचा येथील वावर धोक्याचे आहे. त्यामुळे बिबट्याला जेरबंद करण्याची मागणी होत आहे.