पुढारी ऑनलाईन डेस्क : शाहरुख खान उगाचं किंग खान म्हटलं जात नाही. (Red Sea Film Festival ) तो जिथेही जातो, तिथे त्याच्या फॅन्सना त्याला पाहण्याची पर्वणीच असते. नुकताच रेड सी चित्रपट महोत्सवात हॉलीवूड स्टार शेरोन स्टोनने शाहरुख खानला पाहून अशी प्रतिक्रिया दिली की, त्या प्रसंगाचा व्हिडिओ सोशल मीडियावर व्हायरल होत आहे. (Red Sea Film Festival)
सोशल मीडियावर एक व्हिडिओ व्हायरल होत आहे. यामध्ये शाहरुख प्रेक्षकांना भेटतानाचा दिसत आहे. त्याचवेळी तिथे हॉलिवूड स्टार शेरोन स्टोनही बसलेली असते. ती शाहरुखला पाहताच जोरजोरात ओरडते आणि म्हणते -'ओह माय गॉड!' यावेळी शेरोनने बेज कलरचा ड्रेस परिधान केला होता. ब्लॅक रंगाचे ग्लोव्ह्ज घातलेले दिसतात. शाहरुखला पाहताच तिने जी रिॲक्शन दिलीय, ती पाहण्यासारखी आहे.
शाहरुख आणि काजोलने रेड सी चित्रपट महोत्सवात सहभागी झाले. त्याचा ब्लॉकबस्टर 'दिलवाले दुल्हनिया ले जाएंगे' येथे ओपनिंग चित्रपट होता. एका क्लिपमध्ये शाहरुख, काजोलसाठी डीडीएलजे गाणं 'तुझे देखा तो' गाताना दिसत आहे. त्याने काजोलसाठी 'बाजीगर'ची पंचलाईनदेखील म्हटली.
शाहरुखला रेड सी चित्रपट महोत्सवात स्पेशल सन्मानदेखील मिळाला. यावेळी आपल्‍या मनोगतामध्‍ये शाहरुख म्हणाला, 'रेड सी इंटरनॅशनल फिल्म फेस्टिवलमधील पुरस्कारामुळे मला खूप अभिमान वाटत आहे. येथे सऊदीमध्ये मी फॅन्समध्ये असणं अद्भुत आहे, जे नेहमी माझ्या चित्रपटांचे मोठे समर्थक आहेत.'
शाहरुख सध्या त्याचा आगामी चित्रपट पठान, जवान आणि डंकीच्या तयारीत बिझी आहे.
video-_srkvibe and srkvibe2.0 instaवरून साभार