डोंबिवली : पुढारी वृत्तसेवा : प्रेयसीचा खून करून प्रियकराने स्वतः आत्महत्या केल्याची खबळजनक घटना डोंबिवली येथे घडली. दरम्यान, या संदर्भात मानपाडा पोलीस ठाण्यात गुन्हा दाखल झाला आहे. कासा रिव्हो येथे राहणारी ललिता सुरेश काळे ( वय २९ ) आणि अनिल साळुंखे (वय ३३) अशी मृत दोघांची नावे आहेत.
याबाबत अधिक माहिती अशी, अनिल आणि ललिता या दोघांचे गेल्या पाच वर्षापासून प्रेमसंबंध होते. त्यांनतर ललिता हिने लग्न करूया, असा तगादा अनिलकडे लावला. मात्र, अनिलचे लग्न झाले असून त्याला दोन मुलं आहेत. त्यांच्या कुटुंबियांसमवेत तो नाशिक येथे राहतो, असे तिला समजले. त्यानंतर तिने देखील लग्न करण्याचा निर्णय घेत एका मुलाशी साखरपुडा केला.
मात्र, याचाच राग मनात ठेवून अनिल याने ललिताचे घर गाठले. त्यानंतर रात्री ललिताचा खून करून त्याने आत्महत्या केल्याचे समोर आले. ही घटना रविवारी घडली असून सुरुवातीला दोघांनी आत्महत्या केली, असा प्राथमिक अंदाज पोलिसांकडून बांधण्यात आला होता. मात्र, शवविच्छेदन अहवालानंतर ललिताचा खून झाला असून अनिलने आत्महत्या केल्याचे समोर आले. वरिष्ठ पोलीस निरीक्षक शेखर बागडे यांच्या मार्गदर्शनाखाली अधिक तपास मानपाडा पोलीस ठाण्याचे कर्मचारी करत आहेत.
हेही वाचलंत का ?