पुढारी ऑनलाईन डेस्क
बॉलिवूडचा मिस्टर परफेक्शनिस्ट आमिर खान कमी चित्रपट करतो. पण ते निवडक असतात. आता तो आगामी चित्रपटात दिसणार असल्याने त्याची चर्चा सुरू आहे. हा चित्रपट जाने तू या जाने ना चा सिक्वल (Jaane Tu Ya Jaane Na sequal ) असणार आहे. मूळ चित्रपटात आमिर खानचा भाचा इम्रान खान आणि अभिनेत्री जेनेलिया डिसोझा होती. आता या चित्रपटाच्या सिक्वलमध्ये आमिर खान जेनेलियासोबत दिसणार आहे. दोघे या सिक्वेलमध्ये एकत्र दिसणार असल्याचे वृत्त समोर आले आहे. (Jaane Tu Ya Jaane Na sequal)
बॉलिवूडचा 'मिस्टर परफेक्शनिस्ट' आमिर खान म्हणतो की, तुम्ही किती चांगले दिसता किंवा तुमचे नाव किती मोठे आहे याने काही फरक पडत नाही. आमिर खान तुम्हाला तेव्हाच कास्ट करेल जेव्हा तुम्ही भूमिकेसाठी 'परफेक्ट' असाल आणि वरवर पाहता तुम्ही पुरेसे प्रतिभावान असाल. या बाबतीत अभिनेत्री जेनेलिया डिसूजा दुसऱ्यांदा लकी ठरणार आहे.
'जाने तू या जाने ना' मध्ये पहिल्यांदा जेनेलियाने आमिरचे मन जिंकले होते. आता पुन्हा दोघे एकत्र दिसतील. खानच्या जवळच्या स्रोताने सांगितले की, तो जेनेलिया डिसूझाला त्याच्या निर्मितीच्या चित्रपटात कास्ट करण्यास उत्सुक आहे. सूत्रानुसार, आमिरला जेनेलियाला चित्रपटात पुन्हा लाँच करायचे आहे. यासाठी त्याने 'जाने तू… या जाने ना' मध्ये या अभिनेत्रीसोबत काम करण्याचा निर्णय घेतलाय.
साहजिकच ही भूमिका जेनेलियासाठी सर्वोत्तम असेल. काही आठवड्यांपूर्वी दोघांची भेट झाली होती आणि हा करार जवळपास निश्चित झाला आहे.
फेब्रुवारीमध्ये, जेनेलियाने ओटीटी प्लॅटफॉर्मवर 'मिनिस्टर मम्मी' कडून रॉम-कॉमची घोषणा देखील केली. या चित्रपटात ती पती रितेश देशमुखसोबत दिसणार आहे. याशिवाय जेनेलियाने या महिन्याच्या सुरुवातीला एका इन्स्टाग्राम पोस्ट शेअर करून साऊथ चित्रपटांमध्ये पुन्हा प्रवेश करण्याची घोषणा केली होती.