दापोली : कपडे धुण्यासाठी गेलेल्या महिलेचा पाण्यात पडून मृत्यू

दापोली (रत्‍नागिरी) ; पुढारी वृत्तसेवा : मुंबई येथून गणपती सणासाठी दोन दिवसांपूर्वी गावी आलेल्या एका (55 वर्षीय) महिलेचा नदी किनारी कपडे धूत असताना पाय घसरून पाण्यात पडून बुडून मृत्यू झाला. ही घटना तालुक्यातील शिर्दे येथे घडली. गणेश चतुर्थीच्या दोन दिवस आधी महिलेचा पाण्यात पडून मृत्यू झाल्‍याने गावावर शोककळा पसरली आहे.

• मनोहरमामा भोसले : बाळूमामांचा भक्त म्हणून घेणाऱ्या भोसलेसह तिघांवर बारामतीत गुन्हा
• मनोहरमामा भोसले : बाळूमामांचा भक्त म्हणून घेणाऱ्या भोसलेसह तिघांवर बारामतीत गुन्हा

याबाबत अधिक माहिती अशी की, शिर्दे पूर्व वाडी येथील मीनाक्षी मनोहर खळे ही महिला भोमेश्वर मंदिराजवळ असलेल्या सूर्या नदी किनारी काल (बुधवार) कपडे धुण्यासाठी एकटीच गेली होती. ती बराच वेळ घरी न परतल्याने तिच्या नातेवाईकांनी तिचा शोध घेतला. त्‍यावेळी तिचा मृतदेह नदीमधील एका झाडात अडकलेला आढळला.

• सदनिका घोटाळा : पंकज, समीर भुजबळ यांच्यासह दोघांची निर्दोष मुक्तता
• माऊंट ब्रोमो: ‘या’ देशात ७०० वर्षांपासून ‘श्री गणेशा’ची भरते जत्रा

या घटनेची माहिती दापोली पोलिसांना दिल्यावर उपनिरीक्षक निनाद कांबळे, सहाय्यक पोलीस उपनिरीक्षक वाघ, हेड कॉन्स्टेबल अशोक गायकवाड, वैशाली सुकाळे यांनी घटनास्‍थळी धाव घेतली. ग्रामस्थांच्या सहकार्याने त्यांचा मृतदेह बाहेर काढण्यात आला.

• साताऱ्यात राजे समर्थकांमध्ये राडा; नगरसेवकासह टोळीवर गुन्हे
• जीन्‍स , टी शर्ट वापरास बंदी : पाकिस्‍तान शिक्षण विभागाचा आदेश

गेले दोन दिवस दापोली तालुक्यात अतिवृष्टी सुरू आहे. तालुक्यातील सर्व नद्या दुथडीभरून वाहत आहेत. या नदीच्या पाण्याचा प्रवाह वाढल्याने त्यात ही महिला वाहून गेली असावी असा अंदाज व्यक्त केला जात आहे. गणेशोत्सवाच्या दोन दिवस आधी ही दुर्देवी घटना घडल्याने शिरदे पूर्ववाडीवर शोककळा पसरली आहे.

पहा व्हिडिओ : मुंबईचा प्रसिद्ध खातू कारखाना यावर्षी सुना सुना