धारूर (बीड), पुढारी वृत्तसेवा : धारुर तालुक्यातील पिंपरवाडा येथील शेतकरी सतिश नामदेव तिडके ( वय 38 ) याने गळफास घेवून आत्महत्या केली. पेरणीचे दिवस असताना जुन्या कर्जाच्या विवंचनेतून तरुण शेतकऱ्याने 26 जून रविवारी रात्री मृत्यूला कवटाळल्याने गावात हळहळ व्यक्त होत आहे.
पोलिसांनी दिलेल्या माहितीनुसार, पिंपरवाडा येथील शेतकरी सतिश तिडके या तरून शेतकऱ्यांने कर्जाला कंटाळून आत्महत्या केली. पिंपरवाडा येथे नामदेव तिडके यांचे कुटूंब राहते. त्यांची गावात जवळपास दहा एकर कोरडवाहू जमीन आहे. या शेतातच शेती करुन तिडके कुटुंबियांची उपजिविका भागते. मात्र शेतीसाठी सतत कर्जाचा बोजा घेतला जात होता. या कर्जाला कंटाळूनच कुटुंबातील तरुण शेतकरी सतिश याने आत्महत्या केली. मृत शेतकरी सतिश याच्या पश्चात आई, वडील, भाऊ, पत्नी, दोन मुलं, एक मुलगी असा परिवार आहे. या घटनेची नोंद धारुर पोलिस ठाण्यात करण्यात आली आहे.
हेही वाचा
