पुढारी ऑनलाईन डेस्क : जगभरात एकाकीपणाची समस्या वाढत आहे. ही समस्या लक्षात घेता, जागतिक आरोग्य संघटनेने (WHO) त्यावर उपाय काढण्यासाठी पावले उचलली असून याबाबत तांत्रिक सल्लागार समितीची स्थापना करण्यात येणार असल्याचे समजते आहे. एकाकीपणाचा सामना करण्यासाठी ची ही समिती सध्या आंतरराष्ट्रीय पातळीवर तज्ञांच्या शोधात असल्याचेही पुढे आले आहे. एकटेपणामुळे आरोग्याच्या अनेक समस्या निर्माण होतात. त्यामुळे WHO ची चिंता वाढली आहे.
एकाकीपणाचे शारीरिक आणि मानसिक आरोग्यावर गंभीर परिणाम होतात. तसेच या आजारामध्ये मृत्यूचा धोकाही आहे. एजवेल फाउंडेशनने नुकत्याच केलेल्या सर्वेक्षणात ज्येष्ठ नागरिकांमध्ये एकटेपणाचे प्रमाण लक्षणीय वाढल्याचे समोर आले आहे. त्यामुळे संयुक्त राष्ट्रांच्या सरचिटणीसांनी अधिक समावेशक धोरणांचे आवाहन केले आहे. ही समस्या आंतरराष्ट्रीय सार्वजनिक आरोग्य समस्या म्हणून ओळख निर्माण करु शकेल अशी प्रणाली शोधण्याचे काम विशेष तज्ञ करत आहेत.
सामाजिक जोडणीला प्रोत्साहन देण्यासाठी आणि सामाजिक अटकाव आणि एकाकीपणा कमी करण्यासाठी प्रभावी कारण याचा तपास नवीन समिकी करेल. डब्ल्यूएचओच्या मते, सामाजिक अलगाव आणि एकाकीपणा हे सामाजिक संबंधांच्या अभावाचा संदर्भ देते. हा आजार सर्व वयोगटातील लोकांना प्रभावित करतो. यामुळे मृत्यू, शारीरिक आणि मानसिक आरोग्यासाठी (जीव संपवण्याच्या जोखमीसह) अनेक गंभीर परिणाम होऊ शकतात.
कोरोना महामारीनंतर एकटेपणाची समस्या अधिकच वाढली आहे. लोकांना घरातच राहण्याची सवय झाली आहे. काहींना घराबाहेर पडण्याची भीती वाटू लागली आहे. मात्र, जगाला घरामध्ये घेरलेल्या या विषाणूच्या कमकुवतपणामुळे लोक बाहेर पडू लागले आहेत. लोकांच्या भेटीगाठी सुरू झाल्या आहेत. पण काही लोकांना हे जमत नाही. तुमच्या आजूबाजूला किंवा कुटुंबातील कोणत्याही सदस्याला एकटेपणाचा त्रास होत असेल तर त्यांच्याशी बोलणे आवश्यक आहे. अशा व्यक्तीला खोलीतून बाहेर काढण्याचा प्रयत्न करणे आणि त्याच्यावर लक्ष ठेवणे आवश्यक आहे.
हेही वाचा
