चित्त्‍यांचे फाेटाे काढताना पंतप्रधान माेदींच्‍या कॅमेर्‍याच्‍या लेन्स बंद हाेत्‍या का? जाणून घ्‍या काँग्रेस ट्विटरवरील फाेटाेमागील सत्‍य

पुढारी ऑनलाईन : काँग्रेस पार्टी आणि काँग्रेसच्या काही कार्यकर्त्यांकडून पंतप्रधान नरेंद्र मोदींचा एक फोटो साेशल मीडियावर शेअर केला जात आहे. ज्यामध्ये ते DSLR कॅमेऱ्याच्या सहाय्याने चित्त्‍यांचे फोटो काढताना दिसत आहेत; परंतु यामधील कॅमेराचे लेन्स कव्हर हे मात्र बंद असलेले दिसत आहे.  हा फोटो सोशल मिडियावर मोठ्या प्रमाणात व्हायरल होत आहे. जाणून घेवूया या फाेटाेमागील सत्‍य

• 'काफिर' आणि गोहत्येवर RSS प्रमुख भागवत मुस्लिम विचारवंतांना काय म्हणाले?

पंतप्रधान नरेंद्र माेदी यांचा फोटो महाराष्ट्र काँग्रेस सेवा दल, उत्तर प्रदेशचे काँग्रेस कमिटी अध्यक्ष आमदार वीरेंद्र चौधरी, काँग्रेस नेते आमन दुबे, इशिता सेधा आणि इतर काँग्रेसच्या  नेत्यांच्या ट्विटर अकाऊंटवरून शेअर केला आहे. हा फाेटो शेअर करताना, युपीचे काँग्रेस आमदार वीरेंद्र चौधरी यांनीही फोटो शेअर करत 'अशा बंद कॅमेऱ्याने कोण फोटो काढतो' असे म्हटलं , तर काँग्रेसचे सुनीलल अहिरे यांनी अशीच काहीशी प्रतिक्रिया दिली.

या व्हायरल फोटोमागील काय आहे सत्य ?

• या व्हायरल फोटोमागचे सत्य जाणून घेण्यासाठी गुगलवर रिव्हर्स सर्च करण्यात आले. याचा मूळ फोटो मिळाला. त्यानंतर पुढील घटनाक्रम लक्षात आला.
• १७ सप्टेंबर रोजी पंतप्रधान नरेंद्र मोदी यांनी त्यांच्या वाढदिवसानिमित्त मध्य प्रदेशातील कुनो नॅशनल पार्कमध्ये नामिबियातून आणलेल्या चित्त्यांना सोडले.
• बॉक्समधून चित्ते बाहेर येताच पीएम मोदींनी त्याच्या हातात असलेल्या कॅमेऱ्याचे सहाय्याने या चित्त्यांचे फोटो क्लिक केले.
• हा व्हायरल फोटो तपासताना, पीएम मोदींच्या या कार्यक्रमाचा संपूर्ण व्हिडिओ त्यांच्या अधिकृत यूट्यूब चॅनलवर सापडला.
• मोदींच्या हातातील डीएसएलआर कॅमेराचा ब्रँड हा निकॉनचा होता; पण व्हायरल फोटोत तर लेन्स कव्हर हे कॅननचे दिसत आहे. म्हणजेच हा फोटो इडिट करताना, Nikon हा शब्द उलटा इडिट झाला आहे.
• या व्हायरल फोटोतील कॅमेरावरील Nikon हे नाव उलटे करताना फाटले गेले आहे. कॅमेऱ्याच्या लेन्स कव्हरवरील Canon हे नंतर तयार करून चिटकविल्यासारखे दिसत आहे.
• यानंतर भाजप गुजरातच्या ऑफिशिअल ट्विटरवर खरा फोटो शेअर करण्यात आला आहे. ज्यामध्ये पीएम नरेंद्र मोदींच्या हातात असलेल्या कॅमेऱ्याला कोणत्याही प्रकारच्या कव्हरने झाकलेले नाही.
• यावरून असे लक्षात आले की, मीडियावर व्हायरल होत असलेला पीएम मोदींचा फोटो एडिट केलेला म्हणजेच बनावट आहे.