चंद्रपूर; पुढारी वृत्तसेवा : शेताजवळील मंदिरात झोपून असलेल्या दोन शेतकऱ्यांनी रात्रीच्या वेळी मंदिरातील दानपेटी चोरून नेणाऱ्या चेारट्यांना मज्जाव केला. त्यावेळी मज्जाव करणाऱ्या दोन्ही शेतकऱ्यांची हत्या करण्यात आल्याची माहिती पोलिस तपासात उघड झाली आहे. तब्बल दीड महिण्यानंतर या चोरीचे सत्य समोर आली असून स्थानिक गुन्हे शाखेने या प्रकरणी एका आरोपी अटक केली आहे. ही घटना 23 मार्च रोजी भद्रावती तालुक्यातील मांगली शेतशिवारातील जगन्नाथ बाबा मंदिरात घडली होती. या घटनेतील आरोपींना शोधून शिक्षा करण्याची मागणी विधानसभेत करण्यात आली होती. (Double Murders Mystery)
पोलिसांकडून मिळालेल्या माहितीनुसार मधुकर खुजे (वय ७०) व बाबुराव खारकर (वय ६०, रा. मांगली) हे दोन्ही शेतकरी गावापासून लागून असलेल्या जगन्नाथ बाबा मंदिरात शेताची राखण करण्यासाठी रोज येत होते. रात्रीला त्याच मंदिरात झोपून शेताकडे लक्ष ठेवीत होते. घटनेच्या रात्री दोन्ही शेतकरी मंदिरात झोपून होते. (Double Murders Mystery)
मध्यरात्रीच्या सुमारास जगन्नाथ बाबा मंदिरातील दानपेटीमधील पैसे चोरण्यासाठी चोर मंदिरात शिरले. मंदिराचे दार उघडत असताना दाराच्या आवाजाने मंदिरामध्ये झोपून असलेले दोन्ही शेतकरी जागे झाले. त्या दोन शेतकऱ्यांमुळे चोरी करण्यास अडथळा निर्माण होऊ शकतो, त्यांच्यामुळे चोरीचे बिंग फुटू शकते. त्यामुळे चोरट्यांनी त्यांच्याकडे असलेल्या हत्याराने अत्यंत निदर्यीपणे दोन्ही शेतकऱ्यांच्या डोक्यात आणि चेहऱ्यावर वार करून जागीच ठार केले व दानपेटी पळवली. मंदिरापासून काही अंतरावर दानपेटीतील दोन हजार रूपये काढून दानपेटी फेकून दिली. घटनेच्या दुसऱ्या दिवशी सकाळी ही बाब उघडकीस आली. त्यानंतर पोलिसांनी घटनास्थळी येऊन परिस्थितीची पहाणी करीत अज्ञात आरोपींवर गुन्हा दाखल केला. (Double Murders Mystery)
या घटनेचा तपास सहायक पोलिस अधिक्षक आयुष नोपानी यांचेकडे सोपविण्यात आला. दुहेरी हत्याकांडाच्या घटनेमुळे लोकांमध्ये दहशत निर्माण होवु नये, या घटनेच्या तपासाकरीता स्थानिक गुन्हे शाखेची ८ विशेष तपास पथके तयार करून तपासाला सुरूवात झाली. स्थानिक गुन्हे शाखेचे वेगवेगळे विशेष पथकांनी हत्याकांडातील आरोपीचा शोध घेण्यासाठी घटनास्थळ व आजुबाजुच्या परिसरात तपास सुरू केला होता. या पथकांनी गोपनिय माहिती व कौशल्यपूर्ण तपासाचे आधारे एका आरोपीस अटक करण्यात यश मिळविले.
घटनास्थळी परिसरातून त्या रात्री मोबाईल करणाऱ्यात आल्याचे तपासात उघड झाले. मोबाईल लोकेशनच्या आधारावर या आरोपींपर्यंत गुन्हे शाखेला पोहोचण्यास मदत झाली. तेव्हा आरोपी मंदिर परिसरातून रात्रीच्या सुमारास फोन केल्याचे तपासात निष्पन्न झाले. विशेष पथक आरोपीच्या मागावर असताना तो भंडारा जिल्ह्यातील लाखनी परिसरामध्ये असल्याची मिळाली. लाखनी येथील न्यायालयाच्या समोर त्या आरोपीस स्थानिक गुन्हे शाखेच्या पथकाने अटक करून चंद्रपूर येथे आणले. आरोपीस ताब्यात घेतल्यानंतर त्याने घटनेची कबूली दिली. पण, तब्बल दीड महिण्यानंतर फक्त एकाच आरोपीचा शोध लागला आहे.
अधिक वाचा :
