Yuzvendra Chahal : युझवेंद्र चहल @ 400 ! अशी कामगिरी करणारा ठरला भारताचा पहिला T-20 गोलंदाज

देशांतर्गत स्पर्धा आणि फ्रँचायझी क्रिकेटमध्ये उत्कृष्ट कामगिरी
Yuzvendra Chahal 400 T20 wickets
Yuzvendra Chahal 400 T20 wicketsPudhari
Published on: 
Updated on: 

Yuzvendra Chahal 400 T20 wickets : युझवेंद्र चहलने T20 क्रिकेटमध्ये ४०० बळी घेणारा पहिला भारतीय गोलंदाज ठरून भारतीय क्रिकेटच्या इतिहासात नवा अध्याय लिहिला आहे. आज (दि. १९) 'सय्यद मुश्ताक अली ट्रॉफी २०२६-२७' मध्ये हरियाणाकडून खेळताना तामिळनाडूविरुद्ध सामन्‍यात त्याने हा ऐतिहासिक टप्पा गाठला.

चेहलने सामन्‍यात टिपले तीन बळी

लेग-स्पिनर चहलला या विक्रमापर्यंत पोहोचण्यासाठी केवळ एका बळीची गरज होती, परंतु त्याने सामन्यात एकूण तीन बळी मिळवले. त्याने आपल्या चार षटकांच्या स्पेलमध्ये १६ धावा देऊन ३ बळी घेतले. त्याच्या या प्रभावी कामगिरीमुळे हरियाणाने तामिळनाडूच्या संपूर्ण संघाला १९.५ षटकांत अवघ्या १२४ धावांत बाद केले. या कामगिरीसह, चहलच्या नावावर आता २४६ सामन्यांत एकूण ४०२ T20 बळी जमा झाले आहेत.

Yuzvendra Chahal 400 T20 wickets
Kapil Dev : "तो विनोद कांबळीसारखा गायब न व्हावा..." : वैभव सूर्यवंशीबाबत माजी क्रिकेटपटू कपिल देव नेमकं काय म्हणाले?

भारताचा आघाडीचा T20 गोलंदाज

चहल भारताच्या दिग्गज गोलंदाजांच्या यादीत अव्वल स्थानी पोहोचला आहे. या यादीत भुवनेश्वर कुमार ३६६ बळींसह दुसऱ्या, तर जसप्रीत बुमराह ३५४ बळींसह तिसऱ्या क्रमांकावर आहे. त्यानंतर पियुष चावला (३२९ बळी) आणि रविचंद्रन अश्विन (३२३ बळी) यांचा क्रमांक लागतो.

Yuzvendra Chahal 400 T20 wickets
Sunil Gavaskar : "हे खेळ भावनेच्या विरोधात..." ; वेस्ट इंडिजच्या खेळाडूंवर सुनील गावस्‍कर का संतापले?

देशांतर्गत स्पर्धा आणि फ्रँचायझी क्रिकेटमध्ये उत्कृष्ट कामगिरी

चहल २०२३ पासून भारतीय राष्ट्रीय संघाकडून खेळलेला नसला, तरी त्याने देशांतर्गत स्पर्धा आणि फ्रँचायझी क्रिकेटमध्ये सातत्याने उत्कृष्ट कामगिरी सुरू ठेवली आहे. त्याने आयपीएलमध्ये रॉयल चॅलेंजर्स बेंगळुरू आणि राजस्थान रॉयल्ससह अनेक संघांचे प्रतिनिधित्व केले आहे. सध्या तो पंजाब किंग्सकडून खेळत असून, २०२५ च्या हंगामापूर्वी संघाने त्याला १८ कोटी रुपयांना करारबद्ध केले होते.

Yuzvendra Chahal 400 T20 wickets
Ravi Shastri : शास्‍त्री गुरुजींचा 'यु टर्न'... अचानक टीम इंडियाचा प्रशिक्षक गंभीर यांची केली पाठराखण!

जागतिक स्तरावरील सर्वोत्तम गोलंदाजांमध्ये स्थान

जागतिक T20 क्रिकेटमध्ये सर्वाधिक बळी घेणाऱ्या गोलंदाजांच्या यादीत अफगाणिस्तानचा रशीद खान ५५३ सामन्यांत ७४३ बळींसह अव्वल स्थानी आहे. वेस्ट इंडीजचा फिरकीपटू सुनील नरेन ६५८ बळींसह दुसऱ्या, तर वेस्ट इंडीजचा माजी अष्टपैलू खेळाडू ड्वेन ब्राव्हो ६३१ बळींसह तिसऱ्या क्रमांकावर आहे. ४०२ बळींसह, चहलने आता एक विशेष टप्पा गाठला असून, भारताच्या सर्वात यशस्वी टी-२० गोलंदाजांपैकी एक म्हणून आपले स्थान अधिक बळकट केले आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.