Vaibhav Suryavanshi Impact Player Controversy: IPL 2026 मध्ये वैभव सूर्यवंशी सध्या चर्चेत आहे. फक्त 15 वर्षांचा असलेला हा खेळाडू आपल्या धडाकेबाज खेळामुळे सगळ्यांचं लक्ष वेधून घेतोय. पण आता तो चर्चेत आहे एका वेगळ्याच कारणामुळे. राजस्थान रॉयल्सच्या मॅनेजमेंटवर तो नाराज असल्याची चर्चा आहे.
वैभव सूर्यवंशीने IPL 2026 च्या पहिल्या चार सामन्यांमध्ये जबरदस्त प्रदर्शन केलं.
त्याने 200 धावा केल्या आणि त्याचा स्ट्राइक रेट 263 पेक्षा जास्त आहे. इतक्या लहान वयात अशी कामगिरी करणं ही मोठी गोष्ट आहे. त्यामुळे तो लगेचच चर्चेत आला.
सगळं काही व्यवस्थित चालू असताना एक गोष्ट वैभवला खटकतेय त्याला सतत ‘इम्पॅक्ट प्लेयर’ म्हणून खेळवलं जात आहे. याचा अर्थ तो फक्त फलंदाजीसाठी येतो आणि फील्डिंगसाठी मैदानावर उतरू शकत नाही.
राजस्थान रॉयल्सचे असिस्टंट कोच ट्रेव्हर पेनी यांनी याबाबत खुलासा केला आहे. त्यांच्या म्हणण्यानुसार, वैभव या निर्णयामुळे पूर्णपणे खुश नाही. कारण त्याला फक्त बॅटिंग नाही, तर फील्डिंगही करायला आवडते. त्याला पूर्ण सामना मैदानावर राहायचं आहे.
मग टीम मॅनेजमेंट असा निर्णय का घेत आहे? यामागचं कारण आहे टीमचं कॉम्बिनेशन. राजस्थानच्या संघात परदेशी खेळाडू डोनोव्हन फेरेरा जखमी होते. त्यामुळे सुरुवातीच्या सामन्यांमध्ये वैभवला जास्त संधी मिळाली. पण आता फरेरा फिट झाल्यानंतर, टीममध्ये बदल करावे लागले. त्यामुळे वैभवला इम्पॅक्ट प्लेयर म्हणून खेळवणं हा एक पर्याय आहे.
ही परिस्थिती फक्त वैभवपुरती मर्यादित नाही. अनेक खेळाडूंना असं वाटतं की, जर ते पूर्ण सामना मैदानावर नसतील, तर त्यांना पिचचा अंदाज येत नाही. उदाहरण म्हणून, रोहित शर्मालाही मागील सिझनमध्ये इम्पॅक्ट प्लेयर म्हणूनच वापरलं गेलं होतं. त्यावेळीही यावर चर्चा झाली होती.
एका फलंदाजासाठी फक्त बॅटिंग नाही, तर फील्डिंग करतानाही पिचचा अंदाज येतो. बॉल कसा वळतोय, आउटफिल्ड कसं आहे याचा अंदाज येतो. म्हणूनच अनेक खेळाडूंना पूर्ण सामना खेळायला आवडतं.
