पुढारी ऑनलाईन डेस्क : Samoa Darius Visser T20I record : क्रिकेट विश्वात रोज नवनवीन विक्रम होत असतात. आता या यादीत सामोआच्या डॅरियस व्हिसरचे नावही जोडले गेले आहे. त्याने वानुआतुविरुद्धच्या टी-20 विश्वचषक पूर्व आशिया-पॅसिफिक क्षेत्र पात्रता सामन्यात एकाच षटकात सहा षटकार मारून तब्बल 39 धावा वसूल केल्या. यासह एखाद्या फलंदाजाने एका षटकात 36 पेक्षा जास्त धावा केल्याचा हा पहिलाच प्रसंग आहे. 28 वर्षीय व्हिसर हा पुरुषांच्या टी-20 मध्ये एका षटकात सहा षटकार मारणारा चौथा फलंदाज ठरला आहे. त्याने ही किमया त्याच्या तिसऱ्याच टी-20 सामन्यात केली आहे.
सामोआच्या व्हिसरने आपल्या वादळी खेळीच्या जोरावर टी-20 आंतरराष्ट्रीय क्रिकेटमधील युवराजचा 17 वर्ष जुना विक्रम मोडीत काढला आहे. मंगळवारी सामोआ आयसीसी पुरुष टी-20 विश्वचषक उप-प्रादेशिक पूर्व आशिया पॅसिफिक क्वालिफायर-ए स्पर्धेत वानुआतुशी सामना करत होता. अपिया येथे खेळल्या गेलेल्या या सामन्यात व्हिसरने एका षटकात 39 धावा वसूल केल्या. त्याने डावाच्या 15व्या षटकात सहा षटकार ठोकले. यादरम्यान, त्याला तीन नो बॉलची मदत मिळाली.
आयसीसी मेन्स टी20 वर्ल्डकप सब रिजनल ईस्ट एशिया पॅसेफिक पात्रता फेरीच्या सामन्यात समोआ आणि वानुआतू समोरासमोर आले होते. नाणेफेकीचा कौल समोआच्या बाजूने लागला आणि प्रथम फलंदाजी करण्याचा निर्णय घेतला. 12 षटकात 5 गडी बाद 61 अशी स्थिती होती. डेरिअल विसर आणि फेरेटी सुलुलोटो ही जोडी मैदानात होती. या जोडीने 103 धावांची भागीदारी केली. तर डेरिअस विसरने 62 चेंडूत 132 धावांची खेळी केली. यात 5 चौकार आणि 14 षटकार मारले. त्याचा स्ट्राईक रेट हा 212.90 चा होता.
15वे षटक टाकण्यासाठी नलिन निपिको आला आणि त्याची डेरिअर विसरने धुलाई केली. षटकाच्या पहिल्या 3 चेंडूंवर डॅरियस व्हिसरने वानुआटूच्या निपिकोवर सलग 3 षटकार ठोकले. त्यानंतर चौथा चेंडू नो बॉल होता, परिणामी 1 धाव झाली. त्यानंतर पुढच्याच चेंडूवर डॅरियसने आणखी 1 षटकार ठोकला. त्यानंतर ओव्हरचा पाचवा चेंडू डॉट होता. यानंतर सहावा चेंडू नो बॉल होता, ज्यावर एक धाव आली. पुढचा चेंडू पुन्हा नो बॉल होता, ज्यावर षटकार मारला गेला आणि शेवटच्या फ्री हिट बॉलवर षटकारही आला. अशा प्रकारे एका षटकात 39 धावा वसूल झाल्या.
भारताच्या युवराज सिंगने 2007 च्या टी-20 विश्वचषकात इंग्लंडच्या स्टुअर्ट ब्रॉडवर सलग 6 चेंडूंत सहा षटकार ठोकले होते. त्याने 36 धावा केल्या होत्या. याशिवाय 2021 मध्ये केरॉन पोलार्ड, 2024 मध्ये निकोलस पूरन आणि 2024 मध्ये नेपाळच्या दीपेंद्र सिंग ऐरीने एका षटकात 36-36 धावा फटकावल्या होत्या.
व्हिझरने डीप मिडविकेटवर तीन षटकार मारून दमदार सुरुवात केली. पुढच्या षटकात त्याने एकही धाव दिली नाही. पण चेंडू नो बॉल असल्याने त्याला फ्री हिट देण्यात आली. किंवा केंदुवर त्याने चौथा षटकार मारला. पाचव्या चेंडूवर डॉट लागला, पण हा आनंद संघाला फार काळ टिकला नाही. त्याने सलग नो बॉल टाकले. यानंतर व्हिझरने फ्री हिटरवर आणखी दोन षटकार ठोकले आणि त्यामुळे एका षटकात 39 धावा झाल्या. यात सहा षटकार आणि तीन नो बॉल झाले असते.
