IND vs AFG ODI : रोहित-हार्दिकही कट्ट्यावर! अफगाणिस्तान मालिकेचा थरार फिका पडण्याची शक्यता

IND vs AFG ODI : रोहित-हार्दिकही कट्ट्यावर! अफगाणिस्तान मालिकेचा थरार फिका पडण्याची शक्यता
Published on
Updated on

मुंबई : क्रिकेटप्रेमींना दिग्गज फलंदाज विराट कोहली आणि रोहित शर्मा यांच्या मैदानावरील पुनरागमनाची कमालीची उत्सुकता लागली आहे. आंतरराष्ट्रीय क्रिकेटमध्ये या दोघांना पुन्हा खेळताना पाहण्यासाठी चाहत्यांच्या नजरा खिळल्या आहेत. मात्र, अफगाणिस्तानविरुद्धची वनडे मालिका सुरू होण्यापूर्वीच चाहत्यांचा भ्रम निरास झाला आहे.

किंग कोहली या मालिकेतून बाहेर पडला आहे. धक्कादायक बाब म्हणजे, आता कर्णधार रोहित शर्मा आणि हार्दिक पंड्या हेही या मालिकेत खेळणार नसल्याची चर्चा रंगली आहे. भारतीय क्रिकेट नियामक मंडळाने (बीसीसीआय) या दोघांच्या निवडीबाबत आधीच एक विशेष अट घातली असून, लवकरच यावरील पडदा उठण्याची शक्यता आहे.

IND vs AFG ODI : रोहित-हार्दिकही कट्ट्यावर! अफगाणिस्तान मालिकेचा थरार फिका पडण्याची शक्यता
IND vs AFG Test : बुमराहनंतर सिराजही OUT! अफगाणिस्तान विरुद्ध भारताच्या वेगवान गोलंदाजीची धुरा कोण सांभळणार?

विराटला हॅमस्ट्रिंगची दुखापत

विराट कोहली हॅमस्ट्रिंगच्या समस्येमुळे अफगाणिस्तानविरुद्धच्या संपूर्ण मालिकेला मुकणार असल्याचे समोर आले आहे. नुकत्याच पार पडलेल्या आयपीएलच्या अंतिम सामन्यात फलंदाजी करताना विराटला धावताना काहीसा त्रास जाणवत होता. या त्रासानंतरही त्याने फलंदाजी सुरू ठेवत संघाला विजय मिळवून दिला होता. मात्र, त्याची ही दुखापत इतकी गंभीर असेल आणि त्याला संपूर्ण मालिकेला मुकावे लागेल, असा अंदाज तेव्हा वर्तवला गेला नव्हता. दरम्यान, अफगाणिस्तानविरुद्धचा एकमेव कसोटी सामना ६ जूनपासून सुरू होणार असून, त्यानंतर १३ जूनपासून एकदिवसीय मालिकेला प्रारंभ होत आहे.

हिटमॅन आणि पंड्याच्या फिटनेसवर प्रश्नचिन्ह

विराट कोहलीच्या माघारीनंतर आता सर्वांचे लक्ष रोहित शर्मा आणि हार्दिक पंड्या यांच्या 'अपडेट'कडे लागले आहे. बीसीसीआयने जेव्हा अफगाणिस्तानविरुद्धच्या एकदिवसीय मालिकेसाठी भारतीय संघाची घोषणा केली, तेव्हा रोहित आणि हार्दिक यांनी तंदुरुस्तीची चाचणी उत्तीर्ण केल्यावरच त्यांची संघात निवड करण्यात येईल असे बीसीसीआयने स्पष्ट केले होते. म्हणजेच, हे दोन्ही खेळाडू पूर्णपणे तंदुरुस्त असल्याचे सिद्ध झाल्यानंतरच त्यांना मैदानात उतरता येईल. दरम्यान, रोहित शर्माच्या तंदुरुस्तीबाबत अद्याप कोणतीही अधिकृत माहिती नसली, तरी हार्दिक पंड्या बेंगळुरू येथील सेंटर ऑफ एक्सलन्समध्ये सराव करत आहे. हार्दिक लवकरच पूर्ण तंदुरुस्ती मिळवेल, अशी आशा व्यक्त केली जात आहे.

IND vs AFG ODI : रोहित-हार्दिकही कट्ट्यावर! अफगाणिस्तान मालिकेचा थरार फिका पडण्याची शक्यता
IND vs AFG Test : टीम इंडियाला मोठा झटका! अफगाणिस्तानविरुद्धच्या कसोटी सामन्यातून 'मॅच विनर' गोलंदाज बाहेर

कोहली-रोहित आता केवळ एकदिवसीय क्रिकेटमध्येच सक्रिय

विराट कोहली आणि रोहित शर्मा यांनी यापूर्वीच कसोटी आणि आंतरराष्ट्रीय टी-२० क्रिकेटमधून निवृत्ती घेतली आहे. त्यामुळे आंतरराष्ट्रीय स्तरावर हे दोन्ही दिग्गज खेळाडू आता केवळ एकदिवसीय (वनडे) सामनेच खेळतात. अशा स्थितीत विराट कोहली दुखापतीमुळे बाहेर पडल्याने आणि रोहित शर्माच्या उपलब्धतेबाबत अद्याप कोणतीही अधिकृत घोषणा न झाल्याने, अफगाणिस्तान मालिकेचा उत्साह मालिका सुरू होण्यापूर्वीच काहीसा फिका पडला आहे. या मालिकेबाबत क्रिकेट जगतात निर्माण झालेली उत्सुकता या स्टार खेळाडूंच्या अनुपस्थितीमुळे नक्कीच कमी होण्याची चिन्हे आहेत.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

logo
Pudhari News
pudhari.news