Argentina Vs England Falkland Malvinas Dispute: अर्जेंटिनाने पिछाडी भरून काढत इंग्लंडाल २-१ अशी मात देत सलग दुसऱ्यांदा फिफा वर्ल्डकप फायनलमध्ये प्रवेश केला आहे. या सामन्यात अर्जेंटिनाच्या संघाने झुंजार खेळ केला. मात्र सामन्यानंतर अर्जेंटिनाच्या खेळाडूंनी एक पोस्टर झळकवलं. यावरून जागतिक राजकारण तापण्याची शक्यता निर्माण झाली आहे. आता यावर फिफा काय कारवाई करते हे पाहणं उत्सुकतेचं ठरणार आहे.
फिफा स्टेडियम कोड ऑफ कंडक्टनुसार बॅनर्स, फ्लॅग, फ्लेयर्स, अपेरल आणि इतर कोणत्याही गोष्टी ज्या राजकीय, वादग्रस्त आणि भेदभाव करणारे असतील ते मैदानाच्या आत घेऊन येण्यास बंदी आहे. मात्र अर्जेंटिनाच्या या कृतीवर फिफाने लगेच प्रतिक्रिया न देण्याची भूमिका घेतली आहे.
दक्षिण अटलांटिक समुद्रातील एक बेट जे ब्रिटीशांच्या दृष्टीकोणातून फाल्कलँड आहे तर अर्जेंटिना त्याला माल्विनास असं म्हणतं. या बेटावरून या दोन्ही देशात अनेक काळापासून कटू संबंध राहिले आहेत.
या बेटावरून १९८२ मध्ये दोन्ही देश युद्ध देखील लढले असून या युद्धात ६४९ अर्जेंटिनाचे आणि २५५ ब्रिटीश सैनिक मृत्यूमुखी पडले होते.
ब्रिटनने हे युद्ध जिंकलं होतं. त्यानंतर या बेटावर राहणाऱ्या बहुतांश लोकांनी आम्ही ब्रिटनचा भाग राहणार अशी इच्छा व्यक्त केली होती. मात्र अर्जेंटिना बऱ्याच काळापासून या बेटावर आपला दावा सांगत आहे. १८१६ मध्ये स्पेनपासून स्वातंत्र्य मिळवल्यानंतर अर्जेंटिना या बेटाला आपला भूभाग मानतं मात्र १८३३ मध्ये ब्रिटीश सरकारने अनधिकृत वसाहत अॅक्टद्वारे या बेटावर आपलं नियंत्रण मिळवलं.
सामन्यानंतर मार्टिनेझ आणि सेल्सो यांनी एक बॅनर ग्राऊंडवर झळकवलं. हे बॅनर त्यांनी चाहत्यांकडे पाहून हसून ते झळकवालं. मात्र हे बॅनर कुठून आलं याबाबत मात्र अजून माहिती समोर आलेली नाही.
फिफा वर्ल्डकपमध्ये पहिल्यांदाच एखादे राजकीय बॅनर झळकवण्यात आलेले नाही. गेल्या महिन्यात लॉस एंजल्समध्ये इराणी अमेरिकन्सनी इराणचा दुना झेंडा झळकवला होता. त्यांनी तेहरानमधील सध्याच्या खामेनी सरकारविरूद्ध आपला निषेध नोंदवला होता. हा झेंडा इराण सामना खेळत असताना झळकवण्यात आला होता.
