WPL auction 2024 | प्रारंभीच्या लिलावात कांगारूंचे वर्चस्व, 'सदरलँड'ला २ कोटी, तर फोबीला १ कोटीची बोली
पुढारी ऑनलाईन : महिला प्रीमियर लीग २०२४ साठी (WPL auction 2024 ) आज (दि.९) मुंबईत खेळाडूंचा लिलाव होत आहे. सुरुवातीच्या लिलावात ऑस्ट्रेलियाच्या खेळाडूंना वर्चस्व राखले. ऑस्ट्रेलियाची अष्टपैलू खेळाडू एनाबेल सदरलँड हिला दिल्ली कॅपिटल्सने २ कोटी रुपयांना खरेदी केले. तिची बेस प्राइस ४० लाख रुपये होती. सदरलँडला घेण्यासाठी दिल्ली आणि मुंबई यांच्यात चुरस दिसून आली. अखेर दिल्लीने बाजी मारत तिच्यासाठी २ कोटी रुपये मोजले. लिलावकर्ता म्हणून मल्लिका सागर काम पाहात आहेत.
संबंधित बातम्या
- WPLच्या पहिल्या लिलावात लागली होती ‘या’ ५ खेळाडूंवर मोठी बोली
- अवघ्या ४३ चेंडूंत १९३ धावांचा पाऊस; हमजा सलीम दारचा पराक्रम
- गंभीरवरील टीकेमुळे श्रीसंत अडचणीत, LLC ने बजावली नोटीस
ऑस्ट्रेलियाची फलंदाज फोबी लिचफिल्ड हिला गुजरातने १ कोटी रुपये मोजून आपल्या संघात घेतले. फोबी लिचफील्ड ही २०२४ च्या लिलावात बोली लागलेली पहिली खेळाडू आहे. ही ऑस्ट्रेलियन फलंदाज आहे. तिची बेस प्राइस ३० लाख रुपये होती आणि तिला गुजरात जायंट्सने १ कोटी रुपयांना विकत घेतले. इंग्लंडची फलंदाज डेनी वायट हिला यूपी वॉरियर्सने बेस प्राइस ३० लाखांमध्ये खरेदी केले.
भारतीय खेळाडू भारती फुलमली आणि मोना मेशराम यांच्यावर कोणीही बोली लावली नाही. त्याचबरोबर भारताची वेदा कृष्णमूर्ती, पूनम राउत, प्रिया पूनिया देखील अनसोल्ड राहिली. देविका वैद्य हिलादेखील कोणी बोली लावली नाही.
ऑस्ट्रेलियन खेळाडू जॉर्जिया वेरहॅमची बेस प्राईस ४० लाख रुपये होती. तिला रॉयल चॅलेंजर्स बंगळूरने ४० लाख रुपयांना विकत घेतले.
भारताच्या मेघना सिंह हिला गुजरात जायंट्सने तिची बेस प्राइसला ३० लाख रुपयांना विकत घेतले. त्याचवेळी श्रीलंकेच्या चमारी अटापट्टूला कोणीही बोली लावली नाही.
इंग्लंडची वेगवान गोलंदाज केट क्रॉस हिची बेस प्राइस ३० लाख रुपये होती. तिला रॉयल चॅलेंजर्स बंगळूरने केवळ ३० लाख रुपयांना संघात घेतले आहे.
आयपीएलच्या धर्तीवर सुरू झालेल्या महिला प्रीमिअर लीगच्या दुसऱ्या हंगामासाठी हा लिलाव होत आहे. त्यासाठी आज (दि. ९ डिसेंबर) मुंबईत महिला प्रीमिअर लीग २०२४ (WPL auction 2024 ) साठी खेळाडूंची लिलाव प्रक्रिया पार पडत आहे. एकूण १६५ खेळाडूंनी डब्ल्यूपीएल २०२४ च्या लिलावासाठी नोंदणी केली आहे. यात १०४ भारतीय आणि ६१ परदेशी खेळाडूंचा समावेश आहे. १६५ क्रिकेटपटूंपैकी १५ खेळाडू सहयोगी देशांचे आहेत, तर कॅप्ड खेळाडूंची एकूण संख्या ५६ आणि अनकॅप्ड खेळाडू १०९ आहेत. पाच संघांकडे जास्तीत जास्त ३० स्लॉट उपलब्ध आहेत, त्यापैकी ९ जागा परदेशी खेळाडूंसाठी आहेत. (WPL 2024 Auction)
Most expensive buy of the #TATAWPLAuction so far!
The @DelhiCapitals get Australia’s Annabel Sutherland for INR 2 Crore 🤯
What do you make of this purchase folks? #TATAWPLAuction | @TataCompanies pic.twitter.com/ocYYchWa8I
— Women’s Premier League (WPL) (@wplt20) December 9, 2023
ICYMI!
The first player to be sold in the #TATAWPL Auction 2024 👏👏
Gujarat Giants get Phoebe Litchfield 🙌#TATAWPLAuction | @TataCompanies | @Giant_Cricket pic.twitter.com/Rf6CXoncvn
— Women’s Premier League (WPL) (@wplt20) December 9, 2023