विराट काेहलीच्‍या विक्रमावर ब्रायर लाराचे मोठे विधान, "सचिनचा रेकॉर्ड तोडणे..."
पुढारी ऑनलाईन डेस्‍क : नुकत्‍याच झालेल्‍या एकदिवसीय विश्वचषक स्‍पर्धेत टीम इंडियाचा स्‍टार फलंदाज विराट कोहली (Virat Kohli ) याने सचिन तेंडुलकरचा (Sachin Tendulkar) एकदिवसीय सामन्‍यात ४९ शतकांचा विक्रम तोडला. आता एकदिवसीय सामन्‍यात शतकाचे अर्धशतक करणारा खेळाडू अशी विराटची नवी ओळख झाली आहे. यापुढे विराट कोहली सचिन तेंडुलकर याचा १०० शतकांचा विक्रमही मोडित काढेल, अशी चर्चाही सुरु आहे. यावर वेस्‍ट इंडिजचा दिग्‍गज क्रिकेटपटू ब्रायन लारा (Brian Lara) याने मोठे विधान केले आहे. ( Brian Lara on Virat Kohli )
सचिनचा १०० कसोटी शतकांचा विक्रम मोडणे कठीण
विराटच्‍या विक्रमाबाबत बोलताना ब्रायन लारा म्‍हणाला की, विराट कोहलीने जगाला दाखवून दिले की, त्याच्यासाठी काहीही अशक्य नाही. तो एकदिवसीय विश्वचषक वर्षात पुन्‍हा फॉर्ममध्‍ये आला. त्‍याने सचिनच्‍या एकदिवसीय सामन्‍यातील ४९ शतकांचे विक्रमही मोडित काढला. मात्र विराट कोहलीला सचिन तेंडुलकरचा 100 आंतरराष्ट्रीय शतकांचा सर्वकालीन विक्रम मोडणे कठीण होईल.
विराट कोहली आता ३५ वर्षांचा आहे. त्‍याच्‍या नावावर क्रिकेटमधील सर्व फॉर्मटमध्‍ये ८० शतके आहेत. सचिनचा विक्रम मोडण्‍यासाठी त्याला २० शतकांची गजर आहे. त्याला तर सचिनचा विक्रम मोडायचा असेल तर किंवा तेंडुलकरच्‍या विक्रमाशी बरोबरीकरण्‍याची असेल तर आणखी चार वर्ष घालवावी लागतील. रवर्षी पाच शतके झळकावली तर त्याला तेंडुलकरची बरोबरी करण्यासाठी आणखी चार वर्षे लागतील. तेव्हा कोहली 39 वर्षांचा असेल. त्‍यामुळे मला वाटते की हे खूप कठीण काम आहे, असे लाराने एका वृत्तवाहिनीशी बोलताना सांगितले.
Brian Lara on Virat Kohli : आणखी २० शतके मोठा पल्‍ला…
“मी निश्चितपणे सांगू शकत नाही, कोणीही करू शकत नाही. कोहली तेंडुलकरचा 100 शतकांचा विक्रम मोडेल, असे म्हणणारे क्रिकेटचे तर्कशास्त्र विचारात घेणार नाहीत. 20 शतके खूप दूरची वाटतात. बहुतेक क्रिकेटपटू आपल्या खेळात ते करू शकत नाहीत. संपूर्ण कारकीर्द. मी साहसी होणार नाही आणि कोहली हे करेल असे म्हणेन. वय कोणासाठी थांबत नाही,” असेही त्‍याने स्‍पष्‍ट केले.
विराट कोहलीने विश्वचषक स्पर्धेच्या अंतिम सामन्यानंतर विश्रांती घेतली आहे. मायदेशात ऑस्ट्रेलियाविरुद्धच्या 5 सामन्यांच्या T20I मालिकेत तो खेळला नाही. 10 डिसेंबरपासून सुरू होणाऱ्या भारताच्या दक्षिण आफ्रिका दौऱ्यातही तो पांढऱ्या चेंडूच्या लेगचा भाग असणार नाही. कोहली 26 डिसेंबरपासून दक्षिण आफ्रिकेविरुद्धच्या 2 कसोटी सामन्यांच्या मालिकेत पुनरागमन करणार आहे.
हेही वाचा :
- Gambhir vs Sreesanth : विराटनंतर आता गंभीरची श्रीसंतला ‘खुन्‍नस’, लाईव्‍ह सामन्‍यात नेमकं काय घडलं?
- Asian Games Cricket : ‘धो डाला’…अवघ्‍या ९ चेंडूत अर्धशतक! नेपाळच्‍या फलंदाजांनी टी-20तील अनेक विश्‍वविक्रम माेडले…