विराट कोहली याच्या मुलीला बलात्काराची धमकी देणारा अटकेत
टीम इंडियाचा कॅप्टन विराट कोहली याच्या मुलीला बलात्काराची धमकी देणाऱ्या युवकाला मुंबई पोलिसांनी अटक केली आहे. २३ वर्षाच्या रामनागेश अलिबेथिनी याला महाराष्ट्र पोलिसांनी हैदराबाद मधून अटक केली आहे. त्याला गुरुवारी मुंबई न्यायालयात हजर करण्यात येणार आहे. त्याने धमकी दिल्यानंतर आपले ट्विटर हॅन्डल बदलले होते. आणि स्वत: पाकिस्तानी असल्याचे भासवणार होता. पोलिसांनी ट्विटच्या आधारे त्या तरुणाची चौकशी केली होती.
विराट कोहलीच्या मुलीला धमकीच्या प्रकरणावर दिल्ली महिला आयोगाने दिल्ली पोलिसांना नोटीस दिली होती. ज्या पध्दतीने ९ महिन्याच्या मुलीला धमकी दिली गेली ते “खूप लाजिरवाणे” आहे. अस ट्विटमध्ये महिला आयोगाच्या अध्यक्षांनी म्हटलं होते. अटक केलेला तरुण सॉफ्टवेअर इंजिनिअर आहे. तो बेरोजगार आहे. यापूर्वी त्याने फूड डिलिव्हरी अॅपसाठी काम केले आहे. असे पोलिसांनी सांगितलं आहे.
टी-20 विश्वचषकाच्या पहिल्या सामन्यात टीम इंडियाचा पाकिस्तानकडून झालेल्या दारूण पराभवानंतर कर्णधार विराट कोहलीला ट्रोलचा सामना करावा लागला होता. पराभवानंतर सोशल मीडियावर गोलंदाज मोहम्मद शमीला ट्रोल करण्यात आलं होतं. त्याला जातीवरुन ट्रोल केले होते., तेव्हा विराट कोहलीने ट्रोलरांना धुडकावून लावलं होतं.
यावेळी नेटकऱ्यांनी विराटच्या परिवाराला ट्रोल करण्यास सुरुवात केली होती. विराट कोहलीच्या ९ महिन्याच्या मुलीविषयी अनेक आक्षेपार्ह गोष्टी लिहिल्या होत्या. हे समोर आल्यानंतर अनेकांनी सोशल मीडियावर विराट कोहलीला पाठिंबा दिला होता. वाईट पध्दतीने ट्रोल करणाऱ्यांवर कारवाई झाली पाहिजे अशी मागणी अनेकांनी केली होती.
हेही वाचलत का?
- Drug Seize Gujarat : गुजरातमध्ये 350 कोटी रुपयांचे ड्रग्ज जप्त, एक ताब्यात
- Pune Muncipal Corruption : अबब.. हवेतील कामांचे आपण मोजणार होतो एक कोटी, पुणे महापालिकेतील भ्रष्ट्राचाराचा नवा अध्याय
- ड्रग्ज पार्टी प्रकरण : पार्टीआधीच रचला आर्यनला अडकवून वसुलीचा डाव
- ENG vs NZ : न्यूझीलंडने २०१९ चा बदला घेतला, इंग्लंडला नमवून फायनल प्रवेश
कुस्तीचा आखाडा पुन्हा रक्ताने माखला; आंतरराष्ट्रीय महिला कुस्तीपटू निशा दहिया हिची गोळ्या झाडून हत्या https://t.co/7Hj39v0WHB #NishaDahiya #Wrestler
— Pudhari (@pudharionline) November 10, 2021