Quinton De Kock : क्विंटन डी कॉकचा डबल धमाका! विश्वचषकात सलग दोन शतके ठोकणारा चौथा खेळाडू

पुढारी ऑनलाईन डेस्क : आयपीएलमध्ये लखनौ सुपर जायंट्सकडून खेळणारा दक्षिण आफ्रिकेचा यष्टीरक्षक फलंदाज क्विंटन डी कॉकने (Quinton De Kock) गुरुवारी ऑस्ट्रेलियाविरुद्ध 90 चेंडूत शानदार शतक झळकावले. त्याचे हे 2023 च्या एकदिवसीय विश्वचषकातील सलग दुसरे शतक ठरले आहे. डी कॉकने डावाच्या 30व्या षटकात पॅट कमिन्सच्या चेंडूवर षटकार खेचून शतक पूर्ण केले. या वादळी खेळीत त्याने 8 चौकार आणि 5 षटकार ठोकले. याआधी नवी दिल्लीत झालेल्या श्रीलंकेविरुद्धच्या सामन्यात द. आद्रिकेच्या ओपनर फलंडाजाने 84 चेंडूत 100 धावांची खेळी केली होती. त्यानंतर कांगांरूंविरुद्ध तो 106 चेंडूत 109 धावांची खेळी केल्यानंतर ग्लेन मॅक्सवेलच्या गोलंदाजीवर बाद झाला.

विश्वचषकात सलग दोन शतके करणारा चौथा खेळाडू (Quinton De Kock)

डी कॉक विश्वचषकात सलग दोन शतके करणारा द. आफ्रिकेचा दुसरा आणि चौथा खेळाडू ठरला. डी कॉकपूर्वी (Quinton De Kock) एबी डिव्हिलियर्स (ab de villiers), कुमार संगकारा, रोहित शर्मा यांनी हा पराक्रम केला आहे. 2011 च्या वर्ल्डकपमध्ये पहिल्यांदा एबीडीने सलग दोन शतके फटकावण्याची किमया केली होती. त्यानंतर 2015 मध्ये कुमार संगकाराने सलग चार शतके झळकावून डीव्हिलियर्सला मागे सोडले. यानंतर 2019 मध्ये रोहित शर्मा सलग तीन शतके झळकावण्यात यशस्वी ठरला. अशा परिस्थितीत आता या यादीत क्विंटन डी कॉकच्या नावाचाही समावेश झाला आहे.

Back to back centuries for Quinton de Kock in #CWC23 ?@mastercardindia Milestones ?#CWC23 #AUSvSA pic.twitter.com/UuAV57DhP4
— ICC Cricket World Cup (@cricketworldcup) October 12, 2023