Asian Games 2023 | भारताच्या तिघींचा तिरंदाजीत सुवर्णवेध, ज्योती, आदिती, प्रनीतला सुवर्ण
पुढारी ऑनलाईन : आशियाई क्रीडा स्पर्धेच्या १२ व्या दिवशी भारताने तिरंदाजीत महिला कंपाऊंड सांघिकमध्ये सुवर्णवेध घेतला. ज्योती वेण्णम, आदिती स्वामी आणि प्रनीत कौर यांनी चायनीज तैपेईच्या महिला संघाला २३०-२२८ असे हरवत सुवर्णपदक जिंकले. ज्योती वेन्नमने बुधवारी मिश्र सांघिक स्पर्धेत सुवर्णपदक जिंकले होते. आता महिलांच्या कंपाऊंड सांघिकमध्येही तिने सुवर्ण कामगिरी केली. (Asian Games 2023)
भारताचे हे १९ वे सुवर्णपदक आहे. भारताने आशियाई क्रीडा स्पर्धेत आतापर्यंत १९ सुवर्ण, ३१ रौप्य आणि ३२ कांस्यपदके मिळून ८२ पदके मिळवली आहे. भारत पदकतालिकेत चौथ्या स्थानी आहे.
संबंधित बातम्या
- Asian Games 2023 : पुरुषांच्या 4X400 मीटर रिलेमध्ये भारताला सुवर्णपदक!
- Asian Games 2023 : महिलांच्या 4X400 मीटर रिलेमध्ये भारताला रौप्य पदक!
- Asian Games 2023 : अविनाश साबळेला 5000 मीटर धावण्याच्या शर्यतीत रौप्यपदक
मराठमोळी आदिती
१७ वर्षीय आदिती स्वामी ही महाराष्ट्रातील साताऱ्याची आहे. साताऱ्यातील शेरेवाडी गावातील गोपीचंद स्वामी यांची ती मुलगी आहे. आदितीचे वडील सरकारी शाळेत शिक्षक आहेत. जर्मनीतील बर्लिन येथील तिरंदाजीच्या जागतिक अजिंक्यपद स्पर्धेत आदितीने इतिहास रचला होता. तिने या स्पर्धेत विजेतेपद पटकावले होते. त्याआधी तिने युवा जागतिक स्पर्धेतही सुवर्णपद मिळवले होते. आदितीने सिनिअर गटातील कम्पाऊंड वैयक्तिकमध्येही सुवर्णपदकाची कमाई केली होती. आता आशियाई क्रीडा स्पर्धेच्या सांघिकमध्ये तिने सुवर्णपदक मिळवले आहे. (Asian Games 2023)
कोण आहे ज्योती वेन्नम?
ज्योती सुरेखा वेन्नम ही आंध्र प्रदेशातील विजयवाडा येथील आहे. ज्योतीचे वडील पशुवैद्यक असून ते माजी कबड्डीपटूही आहेत. तिला तिच्या वडिलांकडून खेळामध्ये करियर करण्यासाठी प्रेरणा मिळाली. वयाच्या चौथ्या वर्षी ज्योतीने तीन वेळा कृष्णा नदीचे ५ किलोमीटर अंतर ३ तास २० मिनिटे आणि ६ सेकंदात पोहून पार केल्याबद्दल लिम्का बुक ऑफ रेकॉर्डमध्ये तिच्या नावाची नोंद झाली आहे.
या वर्षाच्या सुरुवातीला कंपाऊंड महिला सांघिक फायनलमध्ये जागतिक तिरंदाजी चॅम्पियनशिपमध्ये सुवर्णपदक जिंकणारी अदिती स्वामी आणि परनीत कौर यांच्यासह पहिली भारतीय तिरंदाज बनणे ही ज्योतीची सर्वात मोठी कामगिरी होती. तिने २०२२ मध्ये पॅरिसमध्ये झालेल्या तिरंदाजी विश्वचषकात कंपाऊंड मिश्र स्पर्धेत सुवर्णपदक जिंकले होते. तसेच २०२३ मध्ये अँटाल्या येथे अनुक्रमे कंपाऊंड मिश्रित आणि कंपाऊंड वैयक्तिक स्पर्धेत आणखी दोन सुवर्णपदके मिळवली होती.
🎯🥇GOLDEN GIRLS🥇🎯#KheloIndiaAthletes Aditi, @VJSurekha, and @Parrneettt add another Gold to India’s medal tally after defeating Chinese Taipei by a scoreline of 230-228 🤩🎯
What a thrilling final 💪 Our Indian Archery contingent is truly shining bright, clinching their 2nd… pic.twitter.com/7lX8wZysnI
— SAI Media (@Media_SAI) October 5, 2023
GOLD MEDAL NO. 19 🔥🔥🔥
Archery: The trio of Jyothi, Aditi & Parneet beat Chinese Taipei 230-228 in Women’s Compound Team Final.
82nd medal overall#AGwithIAS #IndiaAtAsianGames #AsianGames2022 pic.twitter.com/WLfMBtjtOj
— India_AllSports (@India_AllSports) October 5, 2023
हे ही वाचा :
- Asian Games 2023 : हॉकीमध्ये भारतीय संघाची ‘गोल्डन फायनल’मध्ये धडक! उपांत्य सामन्यात द. कोरियाला चारली धुळ
- Asian Games 2023 : अन्नू राणीचा ‘गोल्डन थ्रो’, भारताच्या खात्यात आणखीन एक सुवर्णपदक