Asian Games 2023 | ब्रेकिंग | भारताला टेनिस मिश्र दुहेरीत सुवर्णपदक, रोहन बोपण्णा- ऋतुजा भोसले यांनी इतिहास रचला
पुढारी ऑनलाईन : चीनमधील हंगझोऊ येथे सुरु असलेल्या आशियाई क्रीडा स्पर्धेच्या टेनिस मिश्र दुहेरीत आज भारतीय जोडी रोहन बोपण्णा आणि ऋतुजा भोसले (Rohan Bopanna-Rutuja Bhosale) यांनी इतिहास रचला. त्यांनी चिनी तैपेईची जोडी त्सुंग-हाओ हुआंग आणि एन-शूओ लियांग यांना ट्रायब्रेकरमध्ये २-६, ६-३,१०-४ अशा सेटमध्ये हरवत सुवर्णपदक जिंकले. (Asian Games 2023) पहिला सेट हरल्यानंतर रोहन बोपण्णा आणि ऋतुजा भोसले यांनी जोरदार कमबॅक केले. त्यानंतर ट्रायब्रेकरमध्ये त्यांनी चिनी तैपेईच्या जोडीवर मात केली.
जकार्ता २०१८ मध्ये पुरुष दुहेरीत सुवर्ण जिंकल्यानंतर बोपन्नाचे आशियाई स्पर्धेतील हे दुसरे सुवर्णपदक आहे. रोहन बोपण्णा आणि ऋतुजा भोसले यांना पहिल्या फेरीत बाय मिळाल्यानंतर दुसऱ्या फेरीत उझबेकिस्तानच्या अकगुल अमानमुराडोवा-मॅक्सिम शिन यांचा ६-४, ६-२ असा पराभव केला होता.
संबंधित बातम्या
- Asian Games 2023 : बॉक्सिंग : निकतचे पदक निश्चित
- Asian Games 2023: एशियन गेम्समध्ये कोल्हापूरचा डंका; राधानगरीतील स्वप्निल ठरला ‘गोल्डन बॉय’
- 19th Asian Games | १० मीटर एअर पिस्तूलच्या मिश्र दुहेरीत सरबज्योत सिंग, दिव्या टीएस यांना रौप्यपदक
भारतीय टेनिस जोडीने राउंड १६ च्या फेरीत अयानो शिमिझू-शिंजी हाजावा या जोडीचा ६-३, ६-४ असा पराभव केला होता. तर उपांत्यपूर्व फेरीत कझाकच्या झिबेक कुलंबायेवा-ग्रिगोरी लोमाकिन जोडीचा ७-५, ६-३ असा पराभव केला.
रोहन बोपण्णा-ऋतुजा भोसले आणि चायनीज तैपेईच्या हाओ-चिंग चॅन आणि यू-ह्सिओ हसू यांच्यात झालेला सामना टायब्रेकरमध्ये गेला होता. पण चुरशीच्या या सामन्यात ६-१, ३-६, १०-४ अशा सेटमध्ये सामना जिंकत बोपण्णा-रुतुजा यांनी अंतिम फेरी गाठली होती. अंतिम फेरीत त्यांचा सामना चिनी तैपेईची आणखी एक जोडी नवव्या मानांकित त्सुंग-हाओ हुआंग आणि एन-शूओ लियांग यांच्याशी झाला.
आशियाई क्रीडा स्पर्धेतील रोहन बोपण्णाची ही दुसरी टेनिस फायनल होती. या भारतीय टेनिस दिग्गज खेळाडूने जकार्ता २०२८ मध्ये पुरुष दुहेरीत सुवर्णपदक जिंकले होते. दरम्यान, हँगझोऊ २०२३ मध्ये रोहन बोपण्णाचे युकी भांबरी सोबतचे पुरुष दुहेरीतील आव्हान १६ च्या फेरीत संपुष्टात आले होते.
तर ऋतुजा भोसलेची आशियाई क्रीडा स्पर्धेतील पहिलीच फायनल होती. रामकुमार रामनाथन आणि साकेथ मायनेनी यांना पुरुष दुहेरीत चिनी तैपेईच्या जेसन जंग आणि यु-ह्सिओ हसू या जोडीकडून अंतिम फेरीत पराभूत होऊन रौप्यपदकावर समाधान मानावे लागले होते.
पुरुष आणि महिला एकेरी आणि दुहेरीसह इतर श्रेणींमध्ये आधीच भारतीय टेनिसपटूंचे आशियाई क्रीडा स्पर्धेतील आव्हान संपुष्टात आले आहे.
आशियाई क्रीडा स्पर्धेत भारताने दोनदा मिश्र दुहेरीत सुवर्णपदक जिंकले आहे. लिएंडर पेस आणि सानिया मिर्झा यांनी २००६ मध्ये दोहा येथे सुवर्णपदक जिंकले होते.
𝙂𝙊𝙇𝘿 𝙄𝙏 𝙄𝙎!🥇🌟
🇮🇳 mixed doubles duo, @RutujaBhosale12 and #TOPSchemeAthlete @rohanbopanna have clinched GOLD, showcasing their unmatched talent and teamwork on the world stage. 🏆🎾
Let’s applaud their remarkable victory at the #AsianGames2022 with pride and passion!… pic.twitter.com/HQS8fVh0cN
— SAI Media (@Media_SAI) September 30, 2023
हे ही वाचा :