Hardik Pandya : हार्दिक पंड्याच्या विजयी चौकाराने रोहित शर्माच्या अडचणीत वाढ!
पुढारी ऑनलाईन डेस्क : हार्दिक पांड्याच्या (Hardik Pandya) नेतृत्वाखाली भारतीय संघाने न्यूझीलंडला टी-20 मालिकेत पुन्हा पराभूत केले आहे. टीम इंडियाने बुधवारी झालेल्या तिसऱ्या टी-20 सामन्यात 168 धावांनी शानदार विजय नोंदवला. युवा फलंदाज शुभमन गिलने शानदार शतक झळकावले. तर पंड्याने किवींच्या फलंदाजीला सुरुंग लावत चार विकेट पटकावल्या. या विजयासह पंड्याने आपल्या नेतृत्वाखाली टी-20 मालिका जिंकण्याचा चौकार लगावला आहे. त्यामुळे पंड्याची ही यशस्वी लामगिरी रोहित शर्माच्या अडचणीत वाढवेल अशा चर्चांना उधान आले आहे.
मागील वर्षी दुबईतील आशिया कप आणि त्यानंतर ऑस्ट्रेलियात पार पडलेल्या टी-20 विश्वचषक स्पर्धेतील पराभवानंतर टीम इंडियाच्या नेतृत्वात बदल करण्यात आला. वनडे फॉरमॅटचा सध्याचा कर्णधार रोहित शर्माला (Rohit Sharma) टी-20 संघातून विश्रांती देण्यात आली. निवडकर्त्यांनी हार्दिक पंड्यावर (Hardik Pandya) विश्वास दाखवला आणि रोहितच्या जागी त्याच्याकडे संघाच्या नेतृत्वाची जबाबदारी देण्यात आली. हार्दिकने ही आपल्यावरचा विश्वास सार्थ ठरवला. टी-20 विश्वचषकानंतर त्याने भारताला सलग तीन टी-20 मालिका जिंकून दिल्या.
रोहितचे स्थान धोक्यात?
हार्दिकच्या (Hardik Pandya) नेतृत्वाखालील भारतीय संघाच्या या चमकदार कामगिरीनंतर रोहित शर्माला पुन्हा टी-20 संघाचे कर्णधारपद मिळणे कठीण झाले आहे. हार्दिक आता भारतीय संघासाठी टी-20 संघाचे नेतृत्व करेल अशी जोरदार चर्चा सुरू आहे. कदाचित त्याला 2024 च्या टी-20 विश्वचषकात भारतीय संघाचे नेतृत्व करण्याची संधीही देण्यात येईल असा अंदाज व्यक्त केला जात आहे.
आयर्लंड, न्यूझीलंड आणि श्रीलंकेवर मात
पंड्याच्या (Hardik Pandya) नेतृत्वाखाली टीम इंडियाने गेल्या वर्षी आयर्लंड आणि न्यूझीलंडला टी-20 मालिकेत पराभूत केले. त्या मालिकेत केन विल्यमसन न्यूझीलंडचा कर्णधार होता. त्यानंतर 2023 च्या सुरुवातीला हार्दिकच्या नेतृत्वाखाली टीम इंडियाने श्रीलंकेचा 2-1 आणि न्यूझीलंडचा सुद्धा 2-1 असा पराभव केला. किवींविरुद्धच्या मालिकेत तर हार्दिक पंड्या हा प्लेअर ऑफ टुर्नामेंटचा मानकरी ठरला.
Video : सूर्यकुमार ‘सूपरमॅन’, कॅच पाहाल तर म्‍हणाल, ‘मानलं भावा’!
https://t.co/sNvylmPSJN #PudhariOnline #SuryakumarYadav #INDvsNZ #T20 #CricketUpdates #BestCatch— Pudhari (@pudharionline) February 2, 2023