USA Cricket : टीम अमेरिका T20 वर्ल्डकपसाठी पात्र!
पुढारी ऑनलाईन डेस्क : आंतरराष्ट्रीय क्रिकेट परिषदेने (ICC) सोमवारी T20 विश्वचषक 2024 साठी अमेरिका पुरुष क्रिकेट संघाच्या (USA Cricket Team) पात्रतेची पुष्टी केली. अमेरिका आणि वेस्ट इंडिज संयुक्तपणे 2024 च्या स्पर्धेचे आयोजन करतील. सह-यजमान म्हणून यूएसए पुरुष क्रिकेट संघ आपोआप स्पर्धेसाठी पात्र ठरला. यूएसए क्रिकेटने आयसीसी बोर्डाच्या निर्णयाचे स्वागत केले आहे. आयसीसीने महिला T20 विश्वचषक 2024 साठी पात्रता मार्ग देखील घोषित केला आहे, जेथे यूएसए महिला राष्ट्रीय संघ महिला ग्लोबल क्वालिफायरमधून येऊ शकतो.
क्रिकेट वर्ल्डकपमध्ये अमेरिका पहिल्यांदाच… (USA Cricket Team)
अमेरिकन क्रिकेट संघ पहिल्यांदाच वर्ल्डकपसाठी पात्र ठरला आहे. उत्तर अमेरिका एवढ्या मोठ्या क्रिकेट स्पर्धेचे आयोजन करण्याचीही ही पहिलीच वेळ आहे. 55 पैकी दोन तृतीयांश सामने कॅरेबियन देशात खेळवले जातील, तर उर्वरित एक तृतीयांश सामने अमेरिकेत खेळले जातील अशी अपेक्षा आहे. अमेरिका क्रिकेटच्या मते, पाच स्थळे आहेत, त्यापैकी काहींना आंतरराष्ट्रीय क्रिकेट खेळण्यासाठी आयसीसीने मान्यता दिली आहे. काही ठिकाणी बांधकामे सुरू आहेत. विश्वचषक सामने आयोजित करण्यासाठी काही मैदानांची पुनर्निर्मिती केली जात आहे.
T20 वर्ल्डकपमध्ये बदल…
2024 च्या T20 वर्ल्डकप स्पर्धेत पहिल्यांदाच 20 संघ सहभागी होणार आहेत. या स्पर्धेसाठी 12 संघ आपोआप पात्र ठरतील. 2022 च्या स्पर्धेतील शीर्ष आठ संघ दोन यजमान सदस्यांसह सामील होतील. त्यानंतर 14 नोव्हेंबर 2022 पर्यंत, ICC T20 आंतरराष्ट्रीय क्रमवारीतील पुढील सर्वोत्तम क्रमांकावर असलेल्या दोन संघांना पात्रता मिळेल. याशिवाय आफ्रिकेतील दोन देश, युरोपमधील एक, अमेरिका आणि पूर्व आशिया पॅसिफिक गटातील प्रत्येकी एक संघ अशा आठ संघांचाही सहभाग असेल. (USA Cricket Team)
या वर्षीच्या वर्ल्डकप स्पर्धेत वेस्ट इंडिजचा संघ अव्वल आठ संघांमध्ये पोहोचला, तर 2024 च्या T20 वर्ल्डकप स्पर्धेसाठी निश्चित केलेल्या तारखेला अव्वल तीन संघ त्यात सामील होतील. या वर्षी वेस्ट इंडिजचा संघ टॉप-8 मध्ये पोहोचला नाही, तर क्रमवारीतील अव्वल दोन संघ 2024 च्या आवृत्तीसाठी पात्र ठरतील.
टीम इंडियाला मिळणार भारतीय खेळाडूचे आव्हान
यूएसए संघाने 2024 च्या स्पर्धेत पात्रता मिळवून इतिहास रचला. क्रिकेटच्या इतिहासात पहिल्यांदाच चाहत्यांना अमेरिकेचा संघ वर्ल्डकप स्पर्धेत खेळताना दिसणार आहे. भारताच्या अंडर 19 संघाचा माजी कर्णधार उन्मुक्त चंद हा यूएसए संघाशी जोडला गेला आहे. (USA Cricket Team)
उन्मुक्त चंद आंतरराष्ट्रीय क्रिकेटमध्ये भारताचे प्रतिनिधित्व करू शकला नसला तरी देशांतर्गत स्पर्धेतील एक मोठे नाव आहे. उन्मुक्त चंद हा चर्चेत राहिले कारण त्याने भारताला अंडर-19 विश्वचषक चॅम्पियन बनवले. कदाचित 2024 च्या T20 वर्ल्डकप स्पर्धेत भारतीय संघाचा अमेरिकेशी सामना झाला तर उन्मुक्त चंद भारताविरुद्ध खेळताना दिसेल.
