कान्स फिल्म फेस्टिव्हलमध्ये अभिनेत्री उर्वशी रौतेलाने आपल्या ग्लॅमरस लूकने पुन्हा एकदा चाहत्यांचे लक्ष वेधले आहे. हातात खास मार्टिनी क्लच घेत तिने रेड कार्पेटवर एकापेक्षा एक स्टायलिश पोझ दिल्या. तिचे फोटो सोशल मीडियावर मोठ्या प्रमाणात व्हायरल होत असून चाहत्यांकडून तिच्या फॅशन सेन्सचे कौतुक केले जात आहे.
Urvashi Rautela’s 5.5 Lakh Espresso Martini Bag Cannes 2026
कान्स फिल्म फेस्टिव्हल २०२६ जरी संपला असला, तरी अभिनेत्री उर्वशी रौतेला तिच्या महागड्या आणि आगळ्यावेगळ्या फॅशन निवडीमुळे आजही प्रसिद्धीच्या झोतात आहे. कान्सच्या प्रतिष्ठित 'amfAR Gala' मध्ये उर्वशीने रेड कार्पेटवर हजेरी लावली आणि आपल्या लूकने सर्वांचे लक्ष वेधून घेतले.
या सोहळ्यासाठी उर्वशीने 'जोली पॉली' (Joli Poli) या ब्रँडचा अत्यंत सुंदर आणि स्पार्कल गाऊन परिधान केला होता. या गाऊनवर करण्यात आलेले बारीक डिझाईन आणि त्याला असलेली 'फेदर ट्रेन' (पिसांची सजावट) यामुळे तिच्या सौंदर्यात भर पडत होती. मात्र, तिच्या कपड्यांपेक्षा तिच्या हातातील एका विशिष्ट बॅगने सर्वांना थक्क केले.
५.५ लाखांची 'एस्प्रेसो मार्टिनी' बॅग
उर्वशीच्या या लूकचे सर्वात मोठे वैशिष्ट्य म्हणजे तिच्या हातात असलेला 'जुडिथ लीबर' (Judith Leiber) या ब्रँडचा क्रिस्टल क्लच. ही बॅग हुबेहूब 'एस्प्रेसो मार्टिनी' या कॉकटेल ग्लासच्या आकाराची होती. यावर क्रिस्टल्स आणि वरच्या बाजूला कॉफी बीन्सचे डिझाईन अत्यंत बारकाईने करण्यात आले होते. या लक्झरी बॅगची किंमत तब्बल ५.५ लाख रुपये इतकी आहे.
सोशल मीडियावर व्हायरल लूक
आंतरराष्ट्रीय रेड कार्पेटवर नेहमीच वेगळे प्रयोग करणाऱ्या उर्वशीने पुन्हा एकदा स्वतःचा एक 'व्हायरल मोमेंट' तयार केला आहे. नेटकऱ्यांनी या बॅगला "कान्समधील आतापर्यंतची सर्वात हटके ॲक्सेसरी" असे म्हटले आहे. महागडे दागिने, ग्लॅमरस मेकअप आणि या 'कॉकटेल क्लच'सह उर्वशीने कान्स २०२६ मध्ये पुन्हा एकदा सर्वांच्या नजरा स्वतःकडे वळवून घेतल्या आहेत.
