अभिनय क्षेत्रात काम करणे हे जितके ग्लॅमरस आहे तितकेच आव्हानात्मक आहे. शूटिंगच्या लांबत जाणाऱ्या वेळा, सतत धावपळ याचा ताण मनावर जितका येतो तितकाच तो शरीरावरही येत असतो. असच काहीसे झाले आहे अभिनेत्री मानसी घाटेबाबत 'थोड तुझं थोडं माझं' या मालिकेत मानसी दिसते आहे. या मालिकेत मानसी छायाच्या व्यक्तिरेखेत दिसते आहे. मानसीने काहीच दिवसांपूर्वी तिच्या आजाराबाबत चाहत्यांशी शेयर केला आहे. आपल्या आजारपणावर मत करून ती सेटवर कशी परतली याबाबत तिने या पोस्टमध्ये लिहिले आहे.
मानसी आपल्या पोस्टमध्ये म्हणते, ‘या सगळ्याची सुरुवात इथून झाली. सतत अंगावर सूज आणि हिमोग्लोबिन कमी होते. ब्लड टेस्ट, बायोप्सि, पेट स्कॅन, वॉटर टॅपिंग, एंडोस्कोपी आणि बरेच काही.. रोज स्वतःला मॉनिटर करणं आणि खूप साऱ्या गोळ्या घेणं. अखेर ३ महिन्यांच्या आरामानंतर मी पुन्हा एकदा कामाला सुरुवात करणार होते. मनात थोडी भीती होतीच! मी इतका वेळ शूट करू शकेन का? मला झेपेल का? असा प्रश्न सगळ्यांनाच पडला होता. पण स्वामींची कृपा आणि माझ्या प्रोड्यूसर, दिग्दर्शक, सहकलाकार, माझं कुटुंब आणि मित्र परिवार सर्वांच्या भक्कम आधारामुळे आणि त्यांच्या विश्वासामुळे आज मी उभी राहू शकले. आपल्यावर प्रेम करणारे इतके लोक आपल्या आजूबाजूला आहेत हे पाहून मन पुन्हा पुन्हा भरून येत होतं.
माझी आई, दादा, वहिनी माझा नवरा आणि बाकीचे नातलग सगळ्यांनीच मला खूप धीर दिला. हे माझे सहकलाकार नसून माझं दुसरं कुटुंबच आहे. रोज फोन करून तब्येतीची विचारपूस करणं आणि ह्या आजारातून मला लवकरात लवकर बाहेर पडता यावं यासाठी सगळेच आपापल्या परीने प्रयत्न करत होते. आपल्या पडत्या काळात आपले जवळचे आणि आपली जोडलेली माणसं हेच आपल्या मदतीला धावून येतात. स्वामींचा आशीर्वाद आणि माझ्या सर्व जवळच्या लोकांच्या सकारात्मक ऊर्जेमुळे मी आज हा दिवस पाहू शकते. तुमची लाडकी छाया एका नव्या रुपात. असंच भरभरून प्रेम करत रहा.' ’ यावेळी मानसीने एक व्हीडियोही शेयर केला आहे. या व्हीडियोमध्ये तिचे आजापणानंतर सेटवर झालेले स्वागत दिसून येत आहे. या व्हीडियोच्या कॅप्शनमध्ये ती लिहिते एकाच या जन्मी जणू,
फिरुनी नवी “जन्मले” मी….🥰🥰
Thanks a lot mazya saglya Support system ला….खरंच मी काय बोलू कळत नाहीये….आभार मानून परकं नाही करायचय कोणाला…पण आजवर आयुष्यात आलेल्या अनेक अडचणींवर मात करून आज मी तुमच्या सोबत परत त्याच जोमाने उभी आहे…ते फक्त तुम्ही सगळे माझ्या पाठीशी स्वामींच्या रूपात उभे आहात म्हणूनच. थोड तुझं थोड माझं या मालिकेशिवाय मानसी रंग माझा वेगळा या मालिकेत दिसली होती.
