प्रभासच्या ‘द राजासाब’ चित्रपटाचा ट्रेलर रिलीज होताच सोशल मीडियावर मोठी चर्चा सुरू झाली आहे. प्रभासचा दमदार लूक, संजय दत्तचा धुरंधरनंतरचा नवा अवतार आणि एका अभिनेत्रीची धक्कादायक एन्ट्री यामुळे ट्रेलरने प्रेक्षकांची उत्सुकता वाढवली आहे.
The Raja Saab Trailer out now
दक्षिण सिनेसृष्टीतील सुपरस्टार प्रभासचा बहुप्रतीक्षीत चित्रपट ‘द राजासाब’ अखेर चर्चेत आला आहे. या चित्रपटाचा ट्रेलर नुकताच रिलीज करण्यात आला आहे. ट्रेलर पाहताच सोशल मीडियावर हा ट्रेलर काही वेळातच एक्स अकाऊंटवर ट्रेंडिंग झाले आहे.
ट्रेलरमध्ये प्रभास एका स्टायलिश, पॉवरफुल भूमिकेत दिसतो. त्याची एन्ट्री, अॅक्शन सीन्स आणि स्क्रीन प्रेझेन्स प्रेक्षकांचे लक्ष वेधून घेत आहेत. ‘द राजासाब’ हा चित्रपट अॅक्शन, थरार आणि मनोरंजनाचा जबरदस्त डोस देणार असल्याचे ट्रेलरवरून स्पष्ट होते.
द राजा साब ट्रेलरमध्ये प्रभास आणि संजय दत्त यांच्यात भयानक लढाई पाहायला मिळणार आहे. हॉरर कॉमेडीमध्ये रिद्धि कुमार, निधि अग्रवाल, मालविका मोहनन मुख्य भूमिकेत आहेत.
या ट्रेलरमधील आणखी एक मोठं आकर्षण म्हणजे संजय दत्तचा नवा लूक. ‘धुरंधर’नंतर संजय दत्त पुन्हा एकदा वेगळ्या आणि प्रभावी अवतारात दिसत आहे. त्याचा लूक अधिक भयानक आहे. ट्रेलरमध्ये त्याची भूमिका नकारात्मक आहे.
याशिवाय ट्रेलरमध्ये एक ६६ वर्षीय अभिनेत्रीची एन्ट्री दाखवण्यात आली आहे, जी कथेला नवं वळण देते. ६६ वर्षांची अभिनेत्री जरीना वहाब 'राजा साब' मध्ये प्रभासच्या आजीच्या भूमिकेत आहे. ती एकेकाळी देवनगरची महाराणी गंगा देवी होती. या चित्रपटाची संपूर्ण कहाणी प्रभासच्या ऑनस्क्रीन आजीवर आधारित आहे. हा चित्रपट एक हिप्नोटिस्ट आणि अशा व्यक्तीच्या लढाईची आहे, जो आपल्या आजीला वाचवायचा प्रयत्न करतो.
कधी रिलीज होणार चित्रपट?
मारुतीद्वारा दिग्दर्शित हा चित्रपट ९ जानेवारी, २०२६ संक्रांतीच्या निमित्ताने रिलीज होणार आहे. शनिवारी प्री-रिलीज नंतर निर्मात्यांनी ट्रेलर रिलीज केलं.
संजय दत्त प्रभासच्या आजोबाच्या भूमिकेत असून त्यांच्या मृत्यू नंतर ते वाईट शक्ती बनतात. ट्रेलर मध्ये पाहायला मिळते की, त्यांचा आत्मा एका हवेलीमध्ये राहतो. प्रभास आपल्या आजोबाविषय़ी माहिती घेण्यासाठी तिथे पोहोचतो. पण त्याला या गोष्टीचा अंदाजा असत नाही की, त्याला चारी बाजूने धोका आहे. तो त्या हवेलीत जसेही एन्ट्री करतो, संजय दत्त (आजोबा) त्याला वशमध्ये करतो आणि आपल्या ताकदीच्या समोर झुकण्याचा प्रयत्न करतो.
'राजासाब' ट्रेलर २.० मध्ये प्रभासची गडद बाजू समोर
मारुथी दिग्दर्शित आणि थमन एस यांचे संगीत असलेल्या या तेलुगू हॉरर-कॉमेडी चित्रपटात प्रभास एका भुताटकी हवेलीत अलौकिक शक्ती आणि संजय दत्तच्या संमोहनवाद्याचा सामना करताना दिसतो. यात मालविका मोहनन, निधी अग्रवाल, रिद्धी कुमार आणि बोमन इराणी यांच्याही भूमिका आहेत.
जवळपास तीन मिनिटांच्या या ट्रेलरने एका तासाच्या आत यूट्यूबवर ३ लाखांहून अधिक व्ह्यूज मिळवले, आणि व्हीएफएक्स, गूढवाद, भुतांचा संचार आणि थरारक पाठलागाच्या दृश्यांसह तणाव वाढवला आहे. संक्रांतीच्या काळात इतर चित्रपटांशी स्पर्धा असूनही, ९ जानेवारी २०२६ रोजी प्रदर्शित होणाऱ्या या चित्रपटाने मागील प्रोमोजवर आधारित, प्रणय, भीती आणि ॲक्शन यांचे मिश्रण असलेला प्रभासचा एक मास एंटरटेनर म्हणून स्वतःला सादर केले आहे.
