पुढारी ऑनलाईन डेस्क : अभिनेत्री केतकी चितळेची एक व्हिडिओ पोस्ट चर्चेत आहे. तिने एक व्हिडिओ फेसबूकला पोस्ट केला आहे. आणि त्याला जी कॅप्शन लिहिलीय, त्यावरून केतकी प्रचंड ट्रोल होत आहे. केतकीने हा व्हिडिओ फेसबूकवर पोस्ट केला आहे.
अभिनेत्री केतकी चितळे हिने फेसबूकवर व्हिडिओ पोस्ट केला आहे, ज्यामुळे काही नेटकऱ्यांनी तिच्यावर टीका केली...
नेहमी स्पष्टपणे बोलणाऱ्या केतकीने या व्हिडिओला कॅप्शन लिहिलंय की...
''आपल्याला अशी हिरवळ बघायची नसेल तर जातपात सोडा. आपण विसरले आहोत म्हणून यांचे भावते आहे.
धर्म निरपेक्षता बाजूला ठेवा.
धर्म वाचवण्यासाठी कामाला लागा नाही तर उद्या आपली पोरं बाळं ओला-ओ-उबर करू लागतील.
।।जय हिंद।।
।।वंदेमातरम्।।
।। भारत माता की जय।।''
केतकी चितळेने शेअर केलेल्या व्हिडिओमध्ये एक व्यक्ती हातात झेंडा घेऊन दुसऱ्या हाता मनोज जरांगे-पाटलांचा फोटो हाती घेतलेला दिसत आहे. या व्हिडिओवर केतकीने लिहिलंय-'हातात कुणाच्या कठपुतळीचा फोटो आहे बघा. धर्मनिरपेक्षता बाजूला ठेवा..'नाही तर उद्या..आपल्या घरासमोर हिरवळ दिसायला फार काळ लागणार नाही..'
तिने हा व्हिडिओ फेसबूकवर पोस्ट केल्यानंतर तिला काही नेटकऱ्यांकडून टिकेला सामोरे जावे लागत आहे. काही नेटकऱ्यांनी तिला धर्माविषयी बोलल्याने ट्रोल केलं आहे.
