famous actor car accidentतमिळ अभिनेता अजिथकुमारच्या चाहत्यांना काळजीत पाडणारी बातमी समोर येत आहे. अभिनेत्याचा कार अपघात झाला आहे. इटलीमध्ये अलीकडेच पार पडलेली GT4 युरोपियन सिरिजदरम्यान अजिथकुमारचा अपघात झाल्याचे समोर येत आहे. रेसच्या दुसऱ्या राऊंड दरम्यान त्याची कार ट्रॅकवर अपघातग्रस्त झाली. सुदैवाने अजिथ यांना कोणतीही इज झाली नसल्याचे समोर आले आहे. अपघात झाल्या झाल्या अजिथ यांना रेसमधून बाहेर पडावे लागले. पण यावेळी एका कृतीने चाहत्यांचे लक्ष्य त्यांनी वेधून घेतले आहे.
अपघातानंतर अजिथ स्वत: ट्रॅकवर ग्राऊंड स्टाफसोबत स्वच्छता करताना दिसून आले.सोशल मिडियावर व्हायरल होत असलेल्या व्हीडियोमध्ये कॉमेंटरी करणाऱ्या व्यक्तीने अजिथकुमार यांच्या रेसिंग कारचा अपघात झाल्यावर ते रेसमधून बाहेर पडल्याची घोषणा केली. त्यानंतर पुढे ते म्हणतात, ‘ या वर्षी पहिल्यांदाच त्यांच्यासोबत अशी घटना घडताना पाहत आहोत. ते एक चांगले रेसर आहेत. जे अनेकदा मार्शलसोबत ट्रॅकवरचा कचरा काढायला मदत करतात. बाकीचे बरेच ड्रायव्हर असे करताना दिसत नाहीत.'
अजिथ कुमार यांची कार ट्रॅकवर असलेल्या दुसऱ्या कारला जाऊन धडकली. या नंतर त्यांनी ग्राऊंड स्टाफला केलेल्या मदतीचे नेटीझन्स कौतुक करताना दिसत आहेत. एकजण त्यांना चांगला माणूस म्हणतो आहे तर दूसरा थाला म्हणतो आहे.
अजित बेल्जियममध्ये तिसऱ्या सीझनची तयारी करत आहेत. अजिथचे नाव रेसिंग क्षेत्राशी 2003 पासून जोडले आहे. त्यांनी 2010 मध्ये फॉर्म्युला 2 चॅम्पियनशिप स्पर्धेत हिस्सा घेतला होता. सिनेमा आणि रेसिंग मधील योगदानासाठी त्यांना पद्मभूषणही मिळाला आहे.
अजिथ यांनी बरेचदा अभिनयात जास्त रस नसून रेसिंगमध्ये रस असल्याचे अनेकदा सांगितले आहे. 2000 मध्ये जेव्हा अभिनय सोडून रेसिंग हेच पूर्णवेळ करियर करण्याचा निर्णय अजिथ यांनी घेतला तेव्हा त्यांना वडिलांनी सपोर्ट केल्याचेही सांगितले होते. तर याउलट मित्रमंडळी आणि घरचे सदस्य त्यांच्या या निर्णयाच्या विरोधात होते.
त्यांचा गुड, बॅड, अग्ली हा सिनेमा 2025 मध्ये आतापर्यंत सर्वात जास्त कमाई करणारा तमिळ सिनेमा बनला आहे. सध्या अजिथ यांनी सिनेमातून ब्रेक घेतला असून लवकरच ते आगामी सिनेमाची घोषणा करतील असे बोलले जात आहे.
