emraan hashmi rooh release date horror film comeback
हॉरर चित्रपटात तब्बल ५ वर्षानंतर इमरान हाशमी पुनरागमन करत आहे. मीडिया रिपोर्टनुसार, हा लोकप्रिय अभिनेता पाच वर्षांनंतर ‘रूह’ या चित्रपटातून प्रेक्षकांसमोर येणार आहे. हा चित्रपट २०२७ मध्ये हिंदी, तमिळ आणि तेलुगू भाषांमध्ये प्रदर्शित होणार आहे.
‘रूह’ हा केवळ एक भयपट नाहीये. तर आधुनिक हॉरर, म्युझिक आणि उत्तम कथानक यांचा संगम आहे. मोठ्या पडद्यावरील कथानकाचे सादरीकरण लक्षात घेऊन तो तयार करण्यात आलाय. चित्रपटाचे दिग्दर्शन ‘ब्रीद’ फ्रँचायझीसाठी प्रसिद्ध असलेले दिग्दर्शक मयंक शर्मा करत आहेत.
चित्रपटाची कथा आणि पटकथा मयंक शर्मा आणि ‘लपाछपी’ व ‘छोरी’सारख्या चित्रपटांसाठी ओळखले जाणारे विशाल कपूर यांनी लिहिली आहे. तर विक्रम खाखर आणि सनी खन्ना यांच्या विक्ड फिल्म्स प्रॉडक्शन्सतर्फे चित्रपटाची निर्मिती होत आहे.
रूह’ची संकल्पना ऐकताच मला ती आवडली. मयंकने उभे केलेले हे जग तीव्र, भावनिक आणि अत्यंत सिनेमॅटिक आहे. प्रेक्षकांनी मोठ्या पडद्यावर हा अनुभव घ्यावा यासाठी मी उत्सुक आहे.
इमरान हाशमी, अभिनेता
नवा चित्रपट 'रूह'ची घोषणा झाल्यानंतर निर्मात्यांनी त्याचा पहिला लूक देखील जारी केला आहे. यामध्ये ही देखील माहिती देण्यात आली आहे की, चित्रपट कधी रिलीज होईल.
काय आहे व्हिडिओमध्ये खास?
५२ सेकंदांच्या या व्हिडिओमध्ये जंगलात एक रहस्यमय तरुणी दिसते. त्यानंतर एक अस्पष्ट आरसा दिसतो, ज्याला एक रहस्यमय हात स्वच्छ करतो. आरशात इम्रान हाश्मीचा चेहरा दिसतो. त्याचे डोळे गडद होतात आणि त्यानंतर चित्रपटाचे टायटल 'रुह' दाखवले जाते.
कधी रिलीज होणार चित्रपट?
निर्मात्यांनी व्हिडिओमध्ये सांगितले आहे की, हा चित्रपट २०२७ मध्ये रिलीज होईल. हा चित्रपट हिंदी, तमिळ आणि तेलुगु सारख्या भाषांमध्ये रिलीज होईल.
