'महादेव साक्षात समोर उभे', भारती सिंहला महाकालेश्वर मंदिरात आला अध्यात्‍मिक अनुभव, म्हणाली...

bharti singh shared feelings at ujjain mahakaleshwar temple mahadev was standing in front

पुढारी ऑनलाईन :

प्रसिद्ध कॉमेडियन Bharti Singh हिने तिच्या अलीकडील व्लॉगमध्ये भगवान शिवांबद्दलचा एक खास आध्यात्मिक अनुभव सांगितला आहे. तिने सांगितले की Mahakaleshwar Temple येथे त्यांना एक वेगळीच आध्यात्मिक भावना जाणवली. भारती म्हणाली की, तिला तिथे भगवान शिव प्रत्यक्ष दिसत असल्यासारखे वाटले.

प्रसिद्ध कॉमेडियन आणि टीव्ही पर्सनॅलिटी भारती सिंह हिने नुकतेच महाकालेश्वर मंदिरातील त्यांच्या आध्यात्मिक अनुभवाबद्दल सांगितले. तिच्या नव्या यूट्यूब व्लॉगमध्ये त्या उज्जैनमधील या पवित्र मंदिरात महादेवांचे दर्शन घेताच भावूक झाली आणि तिच्या डोळ्यांतून अश्रू वाहू लागले. व्लॉगमध्ये आपल्या टीममधील एका सदस्याशी बोलताना तिने सांगितले की मंदिरातील आध्यात्मिक वातावरणाने त्यांना खूप प्रभावित केले. भारती सिंह म्हणाली की तिला तिथे भगवान शिवांची उपस्थिती जाणवली.

ति म्हणाली, “मला एकदा असा अनुभव आला होता. मला आठवतं की मी रडत होते आणि खूप भावूक झाले होते. त्या क्षणी मला असं वाटलं की महादेव माझ्यासमोरच उभे आहेत.”

महाकालेश्वर मंदिरात भारती सिंह हिला झाला आध्यात्मिक अनुभव

भारती पुढे म्हणाली की, महाकालेश्वर मंदिराचे दर्शन हे भक्तांसाठी एक अद्भुत आध्यात्मिक अनुभव असतो आणि प्रत्येकाने आयुष्यात किमान एकदा तरी येथे दर्शनासाठी यावे असे ती म्हणाली,

“जेव्हा तुम्ही उज्जैनला जाता आणि महाकालांचे दर्शन घेता, तेव्हा असं वाटतं की ते तुम्हाला जीवनाचा मार्ग दाखवत आहेत. जीवनात कितीही अडचणी असल्या तरी हसत राहायला हवं.”

ति पुढे म्हणाली की आरतीच्या वेळी काही क्षणांसाठी प्रकाश मंद होतो. त्या वेळी प्रार्थना करताना महादेवांचे दर्शन होते आणि त्यांच्या वास्तविक उपस्थितीची अनुभूती येते. शिवलिंगाकडे पाहताना असे वाटते की ते आपल्याकडे पाहून स्मित हास्य करत आहेत.

महादेवांनी काय सांगितले?

त्या क्षणाची आठवण सांगताना भारती म्हणाली की, तिच्या अंगावर काटा आला होता. ति म्हणाली,

“मी खूप भावूक झाले होते आणि सतत रडत होते. पण मला असं वाटलं की महादेव मला आनंदी राहायला सांगत आहेत.”

भारती सिंह हिचे वैयक्तिक आणि व्यावसायिक आयुष्य

भारती सिंह सध्या तिच्या नवजात मुलगा काजू आणि तीन वर्षांचा मुलगा गोलाची आई म्हणून कुटुंबात व्यस्त आहे. त्याचबरोबर ती सेलिब्रिटी कुकिंग रिअॅलिटी शो Celebrity Laughter Chefs चे होस्टिंगही करत आहेत. भारती हिने लेखक Haarsh Limbachiyaa यांच्याशी लग्न केले असून दोघेही दोन मुलांचे आई-वडील आहेत.