जिवाची होतिया काहिली मालिका : नाताळनिमित्त अर्जुन आणि रेवंथीचा विशेष लूक

पुढारी ऑनलाईन डेस्क : सोनी मराठी वाहिनीवर सुरू असलेल्या 'जिवाची होतिया काहिली' या प्रेम कहाणीला प्रेक्षकांची विशेष पसंती मिळते आहे. मराठी भाषिक आणि कानडी भाषिक यांच्यातील प्रेमाची कहाणी छोट्या पडद्यावर दिसते आहे. प्रमुख नायकाच्या भूमिकेत कोल्हापूरचा रांगडा गडी, अभिनेता राज हंचनाळे प्रेक्षकांच्या विशेष पसंतीस पडतोय. तसेच प्रतीक्षा शिवलकर हिचा कानडी अंदाजसुद्धा प्रेक्षकांच्या विशेष पसंतीस पडतोय. मालिका आता वेगळ्या वळणावर पोहोचली आहे. अर्जुन आणि रेवथी यांच्यात मैत्री झाली आहे आणि या मैत्रीचं रूपांतर प्रेमात होताना पाहणं उत्सुकतेचं ठरणार आहे.

• कर्जतला आता छत्रपती शिवाजी महाराज मार्केट

सध्या अर्जुनच्या वाढदिवसानिमित्त रेवथीची धावपळ सुरू आहे. तिला अर्जुनसाठी विशेष असा काही सरप्राइझ बेत अखायचा आहे.

• आजचे राशिभविष्य (दि. २४ डिसेंबर २०२२)

नुकतीच त्यांनी मॉलमध्ये जाऊन खरेदी केली आहे. दोघांचे वेगळे बाह्यरूप पाहायला मिळते आहे. पण, या गोंधळात नेमके अप्पा पाहतील म्हणून सॅन्टा क्लॉजचे कपडे घालून ते आप्पांसमोर जातात. हे पाहणं फार मजेशीर ठरणार आहे. त्यांचं हे बाह्यरूप फारच वेगळं दिसतंय आणि क्रिसमस निमित्त २५ डिसेंबर रोजी होणार्‍या विशेष भागात हे पाहायला मिळणार आहे.

• विधान परिषदेतून : वळसे-पाटील पायऱ्यांवर उतरलेच!
• विद्युत ग्राहकांच्या हितासाठी
• लोकायुक्त कायदा निघाला पोकळ ! मुख्यमंत्री, मंत्री, आमदार, अधिकाऱ्यांच्या चौकशीला परवानगी घ्यावी लागणार