प्रतीक्षा संपली! ‘आम्ही जरांगे’ यादिवशी प्रेक्षकांच्या भेटीला

पुढारी ऑनलाईन डेस्क : मराठा आरक्षणाच्या संघर्षगाथेची रुपेरी पडद्यावर जिवंत अनुभूती करून देणारा,आम्ही जरांगे – गरजवंत मराठयांचा लढा' हा चित्रपट येत्या १४ जूनला प्रेक्षकांच्या भेटीस येत आहे. नारायणा प्रोडक्शन निर्मित आणि योगेश पांडुरंग भोसले दिग्दर्शित आम्ही जरांगे चित्रपटाचे सहनिर्माते उत्तमराव नारायणराव मगर, डॉ. मधुसूदन उत्तमराव मगर, विक्रम विठ्ठलराव पाटील, दमयंती विठ्ठलराव पाटील, दादा दत्ता यशवंतराव मोरे, योगेश पांडुरंग भोसले आहेत. मराठा आरक्षणासाठी संघर्ष करणारे सामाजिक कार्यकर्ते मनोज जरांगे पाटील यांच्या ज्वलंत चळवळीला मोठ्या पडद्यावर चित्रपटाच्या माध्यमातून मांडण्याचा प्रयत्न केला आहे.

अधिक वाचा-

• सान्या मल्होत्राला ​​'मिसेस'साठी सर्वोत्कृष्ट अभिनेत्रीचे नामांकन

'आम्ही जरांगे – गरजवंत मराठ्यांचा लढा' या चित्रपटांमध्ये मकरंद देशपांडे, सुबोध भावे, प्रसाद ओक, अजय पुरकर, विजय निकम, कमलेश सावंत, भूषण पाटील, चिन्मय संत, अमृता धोंगडे, अंजली जोगळेकर, आरती त्रिमुखे, प्रेम नरसाळे ही गाजलेली सुप्रसिद्ध कलाकार मंडळी आहेत. मागील शंभर वर्षापासून सुरू असलेल्या मराठा आरक्षणाच्या चळवळीसाठी झटलेले आणि आपल्या जीवाचे बलिदान देणारे मराठा क्रांतीवीर यांचा न पाहिलेला इतिहास पहिल्यांदाच चित्रपट रुपात रूपेरी पडद्यावर येत असल्याने प्रेक्षकांसाठी ही एक पर्वणीच असणार आहे.

अधिक वाचा-

• सैफ-सोहा अली खानच्या 'या' दुसऱ्या बहिणीबद्दल माहिती आहे का?

या चित्रपटाची संकल्पना डॉ. मधुसूदन मगर यांची आहे. या भन्नाट क्रांतिकारी चित्रपटाची कथा – पटकथा सुरेश पंडित यांनी लिहिली आहे. चित्रपटाचे संवाद सुरेश पंडित, संजय नवगिरे व किशोर गरड यांनी लिहिले आहे. या चित्रपटाचे छायाचित्रकार विकास सिंह आहेत. चित्रपटाची गीते सुरेश पंडित, पी. शंकराम यांनी संगीतबद्ध केली आहेत. मंगेश कांगणे, सुरेश पंडित, पी शंकराम यांनी चित्रपटाची गीते लिहिली आहेत. हिंदीचे प्रसिद्ध दिग्गज गायक सोनू निगम, मराठी व हिंदीत नावाजलेले संगीतकार व गायक अजय गोगावले, नकाश अझीझ, आदर्श शिंदे यांच्या सुमधुर सुरांनी चित्रपटाची गाणी स्वरबद्ध केली आहेत.

अधिक वाचा-

• आमिर खानचा मुलगा जुनैद खानचे 'महाराज'मधून डेब्यू, पोस्टर लाँच