Actress Nandini Kashyap arrested hit and run case
नवी दिल्ली - आसामची अभिनेत्री नंदिनी कश्यपला हिट अँड रन प्रकरणी अटक करण्यात आलीय. रिपोर्टनुसार, नलबारी पॉलिटेक्निकच्या एका २१ वर्षीय तरुणाला ज्याचे नाव समीउल हक आहे, त्याचा उपचारादरम्यान मृत्यू झाला. उदरनिर्वाहासाठी तो पार्ट टाईम नोकरी करायचा. पण नंदिने केलेल्या अपघातात तो गंभीर जखमी झाला होता. यानंतर मंगळवारी सायंकाळी नंदिनी कश्यपला उत्तर गुवाहाटीची राजधानी थिएटर मधून ताब्यात घेण्यात आलं. नंतर अटकेसाठी तिला दिसपूर पोलिस ठाण्यात आणण्यात आलं.
पोलिसांनी सांगितलं की, गुवाहाटीच्या ओदलबक्रा एरियात २५ जुलैच्या रात्री ही दुर्घटना घडली होती. समीउल हक हा गुवाहाटी नगर निगम टीममध्ये नाइट शिफ्टमध्ये काम करत होता. तो स्ट्रीटलाईट ठीक करण्याच्या कामात लागला होता. एका भरधाव कारने त्याला धडक दिली. कथितपणे गाडी नंदिनी कश्यप चालवत होती. ही दुर्घटना CCTV त कॅमेराबद्ध झाली. या घटनेत तरुण गंभीर जखमी झाला. त्याने मंगळवारी रुग्णालयात अखेरचा श्वास घेतला.
एका वृत्तसंस्थेनुसार, फुटेजमध्ये दिसलं की, कार भरधाव होती आणि धडक मरल्यानंतर नंदिनी थांबली नाही, ती निघून गेली. प्रत्यक्षदर्शींनी या गोष्टीची पुष्टी केली की, अपघातानंतर ती थांबली नाही आणि तरुणाची मदत करण्याऐवजी ती पळून गेली. तेथील लोकांनी सांगितले की, दुर्घटनचा आवाज ऐकून आम्ही बाहेर आलो. तो रक्ताने माखलेल्या अवस्थेत पडला होता. आम्ही रुग्णवाहिकेला फोन केला.
