शिवा काशिद यांची भूमिका साकारणार अभिनेता विशाल निकम
मुंबई; पुढारी ऑनलाईन : शिवा काशिद यांची भूमिका अभिनेता विशाल निकम साकारणार आहे. शिवा काशिद हा शिवरायांचा हा जिगरबाज मावळा हुबेहुब शिवरायांसारखा दिसायचा असं म्हंटलं जातं. त्यांनी महाराजांची पन्हाळ गडावरुन सुटका करण्यासाठी मदत केली होती. ही शौर्याची गाथा साकारण्यासाठी अभिनेता विशाल निकम सज्ज झाला आहे.
अधिक वाचा –
- Happy B’day-निक जोनासने प्रपोज केल्यानंतर प्रियांकाने ४५ सेकंदात दिला होता होकार
- दगडी चाळीच्या भिंतीवर अरुण गवळी चे ‘पदवी’ सर्टिफिकेट!
छत्रपती शिवाजी महाराज हे नाव जरी उच्चारलं तरी उर अभिमानाने भरुन येतो. या जाणत्या राजाच्या स्वराज्य स्थापनेच्या स्वप्नपूर्ततेसाठी हजारो शिलेदारांनी जीव ओवाळून टाकला. हीचं गोष्ट सांगणारी जय भवानी जय शिवाजी मालिका २६ जुलैपासून सुरू होणार आहे.
रात्री १० वाजता स्टार प्रवाहवर मालिका पाहता येईल. छत्रपती शिवरायांची भूमिका भूषण प्रधान साकारणार आहे. बाजीप्रभू देशपांडे यांच्या भूमिकेत अजिंक्य देव असणार आहे.
अधिक वाचा –
- वकील आर्या अर्थातच सोनाली पाटीलविषयी या गोष्टी माहिती आहेत का?
- देवमाणूस फेम नेहा खान रिअल लाईफमध्येही तितकीचं ग्लॅमरस
नेतोजी पालकरांची भूमिका कश्यप परुळेकर साकारणार आहे.
अभिनेता विशाल निकम म्हणतो-
अभिनेता विशाल निकम म्हणाला, स्टार प्रवाहने दिलेल्या या संधीसाठी मी खूपच आभारी आहे. पण, याआधी स्टार प्रवाहच्या साता जल्माच्या गाठी आणि दख्खनचा राजा ज्योतिबा या मालिकेवर प्रेक्षकांनी भरभरुन प्रेम केलं आहे.
आता जय भवानी जय शिवाजी मध्ये शिवा काशिद साकारण्याची जबाबदारी आहे. स्वराज्य हे एकचं स्वप्न उराशी बाळगून हजारो मावळ्यांनी आपल्या प्राणांची आहुती दिली.
याच लढवय्या मावळ्यांची गोष्ट या मालिकेतून उलगडणार आहे. इतिहास जिवंत होतोय असं म्हटलं तरी चालेल.
अधिक वाचा –
- अभिनेत्री उर्मिला निंबाळकरने प्रेग्नेंसीवरून ट्रोल करणाऱ्यांना सुनावलं
- देवमाणूस फेम नेहा खान रिअल लाईफमध्येही तितकीचं ग्लॅमरस
शिवा काशिद यांच्या शौर्याविषयी आपण ऐकलं आहे. जय भवानी जय शिवाजी मालिकेच्या निमित्ताने ते प्रत्यक्ष अनुभवण्याची संधी प्रेक्षकांना मिळणार आहे.
मी या नव्या भूमिकेसाठी खूपच उत्सुक आहे. अशी भावना विशाल निकम याने व्यक्त केली.’स्टार प्रवाह प्रस्तुत या मालिकेची निर्मिती दशमी क्रिएशन्सची आहे. २६ जुलैपासून रात्री १० वाजता ‘जय भवानी जय शिवाजी’ फक्त स्टार प्रवाहवर.
अधिक वाचा –
- ज्येष्ठ साहित्यिक अनंत मनोहर यांचे पुण्यात निधन
- मुसळधार पावसामुळे मध्य, हार्बर, पश्चिम रेल्वेची वाहतूक ठप्प
- अनिल देशमुख यांच्या काटोल निवासस्थानी ईडीचा छापा
पाहा व्हिडिओ – वारकरी संप्रदायाकडूनच अस्पृश्यता निवारणाची प्रेरणा