‘नवी जन्मेन मी..’नव्या वळणावर; स्वानंदीच्या बाबतीत घडली अघटित
पुढारी ऑनलाईन डेस्क : मुलींचं आयुष्य अनेकदा इतक्या नाजूक वळणावर असतं की, त्यांना प्रत्येक पाऊल सांभाळून उचलावं लागतं. मग ते वयात येणं असो शिक्षण असो नोकरी/नोकरीच्या निमित्ताने दुसऱ्या ठिकाणी जाणं असो किंवा संसार असो. बऱ्याच मुली स्वत:च्या जबाबदाऱ्या सांभाळून स्वत:चं आयुष्यदेखील सुरळीतपणे चालवत असतात. पण नेमकं असं काही घडतं की, ज्यामुळे आयुष्यापुढे मोठा प्रश्न उभा राहतो. असंच काहीसं घडलंय ‘सन मराठी’ वरील ‘नवी जन्मेन मी…’ या मालिकेतील स्वानंदीच्या बाबतीत.
संबंधित बातम्या –
- Raisinghani vs Raisinghani : करण वाही-जेनिफर विंगेट १४ वर्षांनंतर पुन्हा एकत्र
- K L Rahul-Athiya Shetty : के एल राहुलसोबत अथिया शेट्टी आफ्रिकेच्या जंगल सफारीवर
- ‘फतवा’ फेम प्रतिक गौतम-श्रद्धा भगतचं ‘चोरू चोरून’ गाणं पाहिलं का?
आयुष्य आनंदाने जगणाऱ्या आणि इतरांचं जीवन आनंदाने फुलवणाऱ्या स्वानंदीचं आयुष्य एका वेगळ्या वळणावर पोहोचलं आहे. एका पार्टीत स्वानंदीच्या बाबतीत अघटित घटना घडली आणि त्यानंतर तिच्यासमोर एक भयंकर प्रश्न उभा राहिला की तिच्या होणाऱ्या बाळाचा बाप कोण? या सगळ्या गोष्टींना मी कशी सामोरी जाणार? या विचारांनी जरी स्वानंदीला घेरलं असलं तरी नियतीच्या कचाट्यात अडकलेली स्वानंदी आता रडणार नाही तर लढणार आणि सत्याच्या संघर्षात स्वत: पुन्हा नव्याने घडणार.
स्वत:मध्ये असलेली जिद्द, धमक यामुळे स्वानंदी तिचा हा अडचणीचा रस्ता हिमतीने पार करणार हे नक्की. स्वानंदीच्या आयुष्याचा नवा प्रवास अनुभवण्यासाठी, पाहा ‘नवीन जन्मेन मी…’ मालिका सोमवार ते शनिवार संध्याकाळी ७:३० वाजता फक्त सन मराठीवर.