Marathi Dubbed Movies : दोन रहस्यमय कथांचा उलगडा होणार, ओटीटीवर भेटीला येताहेत 'हे' चित्रपट
पुढारी ऑनलाईन डेस्क : गूढ, गुपितं, रहस्य आणि या अशा रहस्यांनी तुडुंब भरलेल्या कथा आणि त्यांचा होत जाणारा उलगडा नेहमीच आपल्याला रोमांचकारक अनुभव देत असतो (Marathi Dubbed Movies) आणि आपण त्यांची अनुभूती घेत असतो. अशाच रहस्यांनी भरलेले ‘सिमर’ आणि ‘लिपस्टिक मर्डर’ हे दोन मराठी डब चित्रपट ‘अल्ट्रा झकास’ या ओटीटीच्या माध्यमातून सप्टेंबर महिन्यात रसिक प्रेक्षकांपर्यंत पोहचणार आहेत. (Marathi Dubbed Movies)
इन्स्पेक्टर राज एका सिरीयल किलरच्या केसचा तपास करत आहे. तो अधिक तपास करत असताना, एका मुलीच्या प्रेमात पडतो पण ज्या केसचा तो तपास करत आहे, त्या केसचा मुख्य आरोपी ती मुलगीच निघाली तर? ‘लिपस्टिक मर्डर’ ची कथा या प्रश्नात पाडते तर हॉटेलमधल्या एका तरुण आचाऱ्याला त्याच्या कुटुंबासाठी मोठ्या रकमेची गरज असते. तेव्हा त्याचा मालक त्याला मोठी रक्कम मिळवण्याची एक संधी देतो. हॉटेलचे काम झाल्यानंतर एक विशिष्ट पेटी रोज एका विशिष्ट ठिकाणी पोहोचवणे, परंतु त्यात एक अट आहे की, ती पेटी चुकूनही उघडायची नाही. पेटी आणि पेटीमधील अदृश्य गुपिताभोवती ‘सिमर’ची कथा फिरते.
- Gadar-2 BO Collection : गदर-२ ने केले ५०० कोटी क्रॉस, सलमानसह ‘हे’ कलाकार सक्सेस पार्टीला
- पावसाचं नवं गाणं तुमच्यासाठी, ‘छम छम पाऊस’ ऐकलं का? (Video)
- अभिनेता ते नेता… जाणून घ्या सनातन धर्मावर वादग्रस्त वक्तव्य करणार्‍या उदयनिधींचा प्रवास
