Janhvi Kapoor : ज्यु. एनटीआर-जान्हवीच्या देवरा चित्रपटाचा फर्स्ट लूक रिलीज | पुढारी

Janhvi Kapoor : ज्यु. एनटीआर-जान्हवीच्या देवरा चित्रपटाचा फर्स्ट लूक रिलीज

By:Swaliya Shikalagar Published on: May 20, 2023, 11:03 AM
देवरा चित्रपट
देवरा चित्रपट

पुढारी ऑनलाईन डेस्क : ज्युनियर एनटीआरने साऊथसोबतच बॉलीवूडमध्येही पाय रोवले आहेत. (Janhvi Kapoor) आज तो आपला ४० वा वाढदिवस साजरा करत आहे. या अभिनेत्याचा जन्म २० मे, १९८३ रोजी हैदराबादमध्ये झाला. या अभिनेत्याला अलीकडेच त्याच्या आरआरआर चित्रपटातील नातू नातू या गाण्यासाठी ऑस्करही मिळाला आहे. अभिनेता त्याच्या वाढदिवसानिमित्त त्याच्या चाहत्यांसाठी एक आनंदाची बातमी घेऊन आला आहे. त्याचा आणि बॉलिवूड अभिनेत्री जान्हवी कपूरचा चित्रपट बऱ्याच दिवसांपासून चर्चेत होता, चाहते या चित्रपटाला NTR 30 असे नाव देत होते. आता अभिनेत्याच्या वाढदिवसानिमित्त चाहत्यांना एक आनंदाची बातमी देण्यात आली आहे, त्याच्या NTR 30 या चित्रपटाचे अधिकृत शीर्षक जाहीर करण्यात आले आहे. (Janhvi Kapoor)

चित्रपटाचे नवे टायटल रिलीज 

खरं तर, निर्मात्यांनी चित्रपटाच्या शीर्षकाबद्दल अधिकृत घोषणा केली आहे. ‘देवरा’ असे या चित्रपटाचे नाव आहे, जो भारताच्या किनारपट्टीच्या भूमीबद्दल सांगेल. ज्युनियर एनटीआर आणि जान्हवी कपूर व्यतिरिक्त, या चित्रपटात बॉलिवूडचा उत्कृष्ट अभिनेता सैफ अली खान देखील आहे. चित्रपटाच्या शीर्षकाव्यतिरिक्त, निर्मात्यांनी चित्रपटाच्या प्रदर्शनाची तारीख आणि एनटीआरचा लूक देखील उघड केला आहे. एनटीआरच्या लूकबद्दल बोलायचे झाले तर, चित्रपटात तो हातात खंजीर घेऊन दगडावर एक पाय ठेवून उभा आहे. त्याचा लूक पाहून सगळेच त्याचे कौतुक करताना थकत नाहीत. अभिनेत्याचा स्वॅग देखील पाहण्यासारखा आहे.

संबंधित बातम्या

कधी रिलीज होईल चित्रपट?

सर्वजण अभिनेत्याच्या लुकचे कौतुक करत आहेत. या चित्रपटाचा फर्स्ट लूक अतिशय प्रेक्षणीय लूक शेअर करण्यात आला आहे. या चित्रपटाची निर्मिती हरी कृष्ण के आणि मिक्किलीनी सुधाकर करत आहेत. त्याचबरोबर चित्रपटाचे संगीत अनिरुद्ध रविचंदर यांनी दिले आहे. हा चित्रपट पुढील वर्षी ५ एप्रिल, २०२४ रोजी प्रदर्शित होईल.

Tags
By:Swaliya Shikalagar Published on: May 20, 2023, 11:03 AM
Back to top button