वेडात वीर दौडले सात : महेश मांजरेकरांच्या चित्रपटात माधुरी पवार हिची वर्णी

By:Mohsin Mulla Published on: February 16, 2023, 10:39 AM

पुढारी ऑनलाईन डेस्क : ‘महाराष्ट्राची महाअप्सरा’ अशी ओळख असलेल्या सुप्रसिद्ध अभिनेत्री, नृत्यांगना माधुरी पवार हिने आपल्या अदाकारीने संपूर्ण महाराष्ट्राला वेड लावले आहे. नृत्या बरोबरच छोट्या पडद्यावरील ‘वाहिनीसाहेब ही व्यक्तिरेखा असो की ‘रानबाजार’ वेबसिरीज मधील राजकारणातील एक महत्वकांशी, करारी प्रेरणा सायाजीराव पाटील साने ची भूमिका माधुरी पवारने आपल्या वैविध्यपूर्ण अभिनयाने प्रेक्षक आणि समीक्षकांची दाद मिळविली आहे.

अभिनेत्री माधुरी पवारने कोणत्याही एका प्रकारच्या भूमिकेत ‘टाइप कास्ट’ न होता आपल्या दमदार अभिनयातून आपल्या क्षमता सिद्ध केल्या आहेत. आता माधुरीच्या चाहत्यांसाठी महत्वपूर्ण बातमी आमच्या हाती लागली आहे. माधुरी दिग्दर्शक महेश मांजरेकर यांच्या ‘वेडात वीर दौडले सात’ ऐतिहासिक चित्रपटतात महत्वपूर्ण भूमिका साकारणार आहे. मराठी – हिंदीसह पाच भाषांमध्ये या चित्रपटाची निर्मिती होत आहे. माधुरी पवार नेमकी कोणती व्यक्तिरेखा साकारणार आहे? हे जाणून घेण्यासाठी मात्र आपल्याला काही काळ वाट बघावी लागणार आहे.