- Epaper
- Home
- राष्ट्रीय
- आंतरराष्ट्रीय
- संपादकीय
- मनोरंजन
- विश्वसंचार
- फीचर्स
- स्पोर्ट्स
- व्हिडिओ गॅलरी
- मुंबई/कोकणमुंबई/कोकण
- पुणे/पश्चिम महाराष्ट्रपुणे/पश्चिम महाराष्ट्र
- मराठवाडामराठवाडा
- उत्तर महाराष्ट्रउत्तर महाराष्ट्र
- विदर्भविदर्भ
पुढारी ऑनलाईन डेस्क : काही कथा आपल्‍या मनावर अनोखी छाप निर्माण करतात आणि आपल्‍यामध्‍ये अधिकाधिक उत्‍सुकता निर्माण करतात. अशी एक कथा आहे सीरीज 'महारानी'. या सीरीजने लक्षवेधक कथानकासह प्रेक्षकांचे लक्ष वेधून घेतले. प्रबळ राजकीय नेता म्‍हणून उदयास येण्‍यासाठी समाजातील पुरूषप्रधान अडथळ्यांचा सामना करणाऱ्या प्रमुख नायिकेच्‍या अवतीभोवती केंद्रित या सीरीजच्‍या मागील पर्वाने प्रेक्षकांमध्ये अधिक उत्‍सुकता निर्माण केली. प्रेक्षकांच्‍या प्रतीक्षेचा शेवट करत ही सीरीज उत्‍साहवर्धक अशा दुसऱ्या पर्वासह परतली आहे. जेथे प्रतिभावान कलाकारांमध्‍ये अनुजा साठे यांचा समावेश करण्‍यात आला आहे.
राजकीय उमेदवाराच्‍या भूमिकेत प्रवेश करत अनुजा साठे किर्ती सिंगची भूमिका साकारणार आहे. जी भीमा भारतीची (सोहम शाह) विश्‍वासू बनते. आपल्‍या भूमिकेबाबत बोलताना ती म्‍हणाली, "मी भूमिकांसंदर्भात नेहमीच नशीबवान राहिली आहे. हाच ट्रेण्‍ड कायम राखत प्रेक्षकांना मी या सिरीजमध्‍ये नवीन अवतारात पाहायला मिळेल. किर्ती वास्‍तविक जीवनात मी जशी आहे त्‍यापेक्षा पूर्णत: विरूद्ध आहे. म्‍हणून अभिनेत्री म्‍हणून माझ्यासाठी हा उत्‍साहवर्धक व समाधानकारक अनुभव होता. मला माझ्या भूमिकेचे विविध पैलू साकारताना स्‍वत:मध्‍ये बदल करावे लागले. सर्व कलाकार व टीम अत्‍यंत सहाय्यक राहिली आहे आणि मी त्‍या सर्वांसोबत काम करताना खूप धमाल केली."
महारानी २चे दिग्‍दर्शन रविंद्र गौतम यांनी केले आहे. सुभाष कपूर व नंदन सिंग हे या सीरीजचे शोरनर्स व लेखक आहेत. प्रमुख भूमिकेत हुमा कुरेशी असलेल्‍या या सीरीजमध्ये सोहम शाह, अमित सियाल, विनीत कुमार, इनाम उल हक, दिब्‍येंदू भट्टाचार्य, कनी कस्‍तुरी, प्रमोद पाठक आणि विनीत कुमार हे देखील प्रमुख भूमिकेत असणार आहेत.
