अंकुश चौधरी याच्या हस्ते मी होणार सुपरस्टार होर्डिंगचं अनावरण
मुंबई; पुढारी ऑनलाईन : अंकुश चौधरी याच्या हस्ते मी होणार सुपरस्टार डान्सिंग होर्डिंगचं अनावरण करण्यात आलं. अंकुश चौधरी या कार्यक्रमाचा सुपर जज म्हणून काम पाहणार आहे.
स्टार प्रवाहवर २१ ऑगस्टपासून ‘मी होणार सुपरस्टार’ या कार्यक्रमाची सुरुवात होणार आहे. या कार्यक्रमाची प्रेक्षकांमध्ये कमालीची उत्सुकता आहे. जबरदस्त परफॉर्मन्स सादर करणारे महाराष्ट्राच्या कानाकोपऱ्यातले स्पर्धक यामध्ये सहभागी होणार आहे.
- पोर्नोग्राफी सायबर सेल प्रकरण : राज कुंद्राला तूर्तास दिलासा
- अलका कुबल यांच्या दोन मुली काय करतात तरी काय?
नृत्यदिग्दर्शनाची उत्त्तम जाण असलेले कृती महेश आणि वैभव घुगेसारखे कॅप्टन्स, संस्कृती बालगुडेचं खुमासदार सूत्रसंचालन असणार आहे.
- कॅटरीना कैफ-विकी कौशल यांनी गुपचुप उरकला साखरपुडा?
- अनिल कपूर यांचा लहान मुलीच्या लग्नात भन्नाट डान्स (video)
महाराष्ट्राचा सुपरस्टार अर्थातच अंकुशचं मोलाचं मार्गदर्शन मिळणार आहे. याच कार्यक्रमाच्या निमित्ताने मुंबईतल्या दादर येथील प्लाझा थिएटर येथे मी होणार सुपरस्टारचं डान्सिंग होर्डिंग दिमाखात झळकलं.
अंकुशच्या हस्ते जल्लोषात अनावरण
सुपरजज अंकुश चौधरीच्या हस्ते जल्लोषात या डान्सिंग होर्डिंगचं अनावरण करण्यात आलं. याप्रसंगी मी होणार सुपरस्टार कार्यक्रमातील लायन्स ग्रुप आणि मायनस थ्री हे दोन ग्रुप्सदेखील उपस्थित होते. या दोन्ही ग्रुप्ससोबत ठेका धरत अंकुशने या कार्यक्रमाचा आनंद लुटला.
डान्सिंग होर्डिंगचा हा अनोखा प्रयोग पहिल्यांदाच मी होणार सुपरस्टार कार्यक्रमाच्या प्रमोशनसाठी करण्यात आला आहे. या अनोख्या उपक्रमाचं अंकुश चौधरी यांनी कौतुक केलं.
या स्पर्धकांचं सुपरस्टार होण्याचं स्वप्न या कार्यक्रमाच्या माध्यमातून पूर्ण होणार आहे. प्लाझा येथे झळकलेलं हे डान्सिंग होर्डिंग म्हणजे याच स्वप्नपूर्तीच्या दिशेने टाकलेलं पहिलं पाऊल आहे, अशी भावना सुपरजज अंकुश चौधरी यांनी व्यक्त केली.
‘मी होणार सुपरस्टार’ या कार्यक्रमात महाराष्ट्रभरातले एकापेक्षा एक स्पर्धक आपलं टॅलेंट या मंचावर दाखवणार आहेत.
ग्रुप डान्स, सोलो डान्स, ड्युएट असे नृत्याचे अनोखे प्रकार या मंचावर पाहायला मिळतील.
तेव्हा पाहायला विसरु नका मी होणार सुपरस्टार २१ ऑगस्टपासून दर शनिवार आणि रविवार रात्री ९ वाजता फक्त स्टार प्रवाहवर.
हेही वाचलं का?