लता मंगेशकरांच्या तब्येतीत सुधारणा

मुंबई :

भारतरत्न लता मंगेशकर यांच्या तब्येतीत गुरुवारी आणखी सुधारणा झाली. सध्या डॉक्टरांच्या देखरेखीखाली ब्रीच कॅन्डी रुग्णालयातील अतिदक्षता विभागातच त्यांच्यावर उपचार सुरू राहणार आहेत, असे लता मंगेशकर यांच्या ट्विटर अकाऊंटवरून सांगण्यात आले. डॉ. प्रतित समदानी यांच्या मार्गदर्शनाखाली लतादीदींवर 20 दिवसांपासून उपचार सुरू आहेत. लतादीदींच्या तब्येतीत सुधारणा व्हावी, यासाठी प्रार्थना करणार्‍या आणि त्यांना शुभेच्छा देणार्‍या प्रत्येकाचे आभारही ट्विटरच्या संदेशात लतादीदींनी व त्यांच्या कुटुंबीयांनी मानले आहेत.