सातारा : सूर्याचीवाडी येथे भीषण अपघात; ४ ठार, ४ गंभीर जखमी

खटाव : पुढारी वृत्तसेवा : सूर्याचीवाडी (ता. खटाव) येथे आज (दि.१०) पहाटे सहा वाजता चारचाकी गाडी झाडावर आदळून झालेल्या अपघातात चार जण ठार झाले. तर चार प्रवासी गंभीर जखमी झाले आहेत.

खटाव तालुक्यातील बनपुरी आणि सिध्देश्वर कुरोली येथील एकूण आठ जण देवदर्शनासाठी निघाले होते. दहीवडी – मायणी रस्त्यावरील सुर्याचीवाडी येथे सहाच्या सुमरास गाडी झाडावर आदळून अपघात झाला. अपघातात एक पुरुष आणि दोन महिला जागीच ठार झाल्या, तर अन्य जखमी झाले. जखमींना वडूज आणि सातारा येथील रुग्णालयांमध्ये उपचारासाठी दाखल करण्यात आले आहे. उपचार सुरु असताना वडूज येथील रुग्णालयात एका महिलेचा मृत्यू झाल्याची माहिती मिळत आहे.

हेही वाचा : 

• सॅनिटरी नॅपकीनमुळे फुटली खुनाला वाचा ! आरोपी पोलिसांच्या जाळ्यात
• नोकरीच्या आमिषाने फसलेले सांगली, सोलापूरमधील; तत्कालीन आयुक्त शैलजा दराडेविरोधात पुरावे
• सलग सुट्ट्यांमुळे ट्रॅव्हल्सचा प्रवास महागला