पिंपरी : पिंपरी येथील लालबहादूर शास्त्री भाजी मंडईत रविवार (दि. 23) आवक कमी झाल्याने भाज्यांचे दर वाढले होते. शेवगा 400 रुपये किलो दराने विक्री केला जात आहे, तर टोमॅटो 50 रुपये प्रतिकिलो दराने विक्री केली जात आहे.
बाजारात मुळ्याची आवक कमी झाल्यामुळे प्रति जुडी 30 रुपये दर होता. इतर पालेभाज्यांचे दर गेल्या आठवड्याच्या तुलनेत स्थिर आहे. कोथिंबीर स्वस्त झाली असून 15 रूपये प्रति जुडी होती. बाजारात थंडीमुळे गाजरांची आवक मोठ्या प्रमाणात झाली आहे.
पालेभाज्यांमध्ये मेथी, शेपू, पालक यांचे दर 25 रुपये प्रति जुडी होते. फळभाज्यांमध्ये काकडी, तोंडली आणि भेंडी यांच्या दरात वाढ झाली असून इतर भाज्यांचे दर 20 ते 25रुपयांनी वाढले आहेत. हिरवी मिरचीचे भाव वाढले आहेत. कांदे 10 ते 20 रूपये किलो दराने विक्री केली जात आहे. बटाटे, लसूण, आले यांचे दर स्थिर आहेत. दिल्लीहून आवक झालेले गाजर 50 ते 60 रुपये प्रतिकिलो दराने विक्री केली जात आहे.
रविवारी बाजारात गवार 120 रुपयेे किलो, शेवगा 400 रुपये किलो दराने विक्री केली जात आहे. वाटाणा 90 रुपये किलो, टोमॅटो 50 रुपयेे, भेंडी 90 रुपये किलो, फ्लॉवर 50, कोबी 30, मिरची 50, गाजर 50, शिमला 60, लसूण 90 रुपये, आले 70 रुपये, वांगी 50, काकडी 40, कारले 80, कांदे 10 - 15 रुपये किलो, बटाटा 30 रुपये किलो, बिन्स 70 रुपये किलो, पावटा 70, लाल भोपळा 50, घोसाळी 60, दोडका 70, तोंडली 90,बीट 40 रुपये, दुधी 05, तर घेवडा 70 रुपये किलो दराने विक्री केला जात आहे.
पाले भाज्यांचे दर (रु.) प्रति जुडी
कोथिंबीर 50रुपये. मेथी 25, पालक 25, शेपू 25, राजगिरा 20, पुदिना 10, मुळा 40, चवळई 25, लाल माठ 25, कांदापात 30, करडई 20, आळू पाने 35 रुपये जुडी, चुका 20 रुपये दराने विक्री केली जात आहे.
फळभाज्यांचे : किलोचे भाव (किरकोळ रु.)
शेवगा 400 रुपयेे, गवार 120 - 150 रुपये, तोंडली 100, वाटाणा 100, बीट 50, वाल 90, दोडका 90, कारली 80, भरताची वांगी 60, भेंडी 90 - 100, मिरची 60, फ्लॉवर 70, कोबी 40, वांगी 100, तोंडली 90 - 100, घोसळे 70, पडवळ 90, दुधी भोपळा 60, पापडी 80, परवल 80, सुरण 80 रुपये, मद्रास काकडी 50, सिमला 80, राजमा 80 काळा, लाल 80, बिन्स 70 रुपये, चवळी 50 - 60रुपये किलो, गाजर 60 रुपये किलो, आवळा 60 - 70, रताळी 60 - 70रुपये, तर टोमॅटो 60 रुपये किलो दराने विक्री केली जात आहे.
मोशी उपबाजारातील घाऊक दर (प्रतिकिलो रु.)
कांदा 9, बटाटा 15, आले 55, लसूण 60, भेंडी 60, गवार 110 , टोमॅटो 35, वाटाणा 90, घेवडा 60, दोडका 45, हिरवी मिरची 35, दुधी भोपळा 35, काकडी 30, कारली 45, गाजर 35, फ्लॉवर 25, कोबी 15, वांगी 50, ढोबळी 45, तोंडली 40, बीट 30, शेवगा 350, घोसाळी 40, मका कणीस 15 रू प्रतिकिलो दर होते.
मोशी उपबाजारातील दर, आवक (क्विंटलमध्ये)
फळभाजी 3864, पालेभाजी 53800 (गड्डी), फळे आवक 743, कांदा 540, बटाटा 716, आले 100, लसूण 15, भेंडी 89, गवार 25, टोमॅटो 485, वाटाणा 77, घेवडा 68, दोडका 51, हिरवी मिरची 110, दुधी भोपळा 80, काकडी 230, कारली 32, डांगर 29, गाजर 95, फ्लॉवर 441, कोबी 231, वांगी 112, ढोबळी 70, बीट 20, शेवगा 4, लिंबू 104, मका कणीस 30, तोंडली 4 क्विंटल इतकी आवक झाली.
अननस, सीताफळाची मोठी आवक
पिंपरी : पिंपरी फळ बाजारात अननस, सीताफळाची मोठ्या प्रमाणात झाली असून 100 रुपये प्रतिकिलो दर आहे. इतर फळांचे दर स्थिर आहेत. केळी 50 - 60 रूपये डझन दराने उपलब्ध आहेत तर डाळींब 260 रूपये किलो दराने उपलब्ध आहेत. ड्रॅगनफ्रुट 100 - 150 रूपये किलो, पपई 60 रूपये किलो दराने विक्री केली जात आहे. सीताफळांची आवक मोठ्या प्रमाणात झाली आहे.
फळांचे दर प्रतिकिलो पुढीलप्रमाणे :
नागपूर संत्री 130 - 160 रुपये, चिकू 100 रुपयेे, सफरचंद 120 - 160 रुपये, तर मोसंबी 100 - 180, सीताफळ 100 रुपयेे, डाळिंब 260, पेरू 100 रुपये दीड किलो, पपई 60 - 70 रुपये, केळी 50 - 60 रुपयेे डझन, पिअर 140, ड्रॅगनफ्रुट 100 रुपये दीड किलो, किवी 120, नाश्पती 120 रुपये, आलुबुखार 150 रुपये, तर अननस 100 रुपये किलो दराने विक्री केली जात आहे.
