Pimpri Chinchwad Unauthorized Construction: पिंपरी-चिंचवडमधील अनधिकृत बांधकामांना लगाम! परवानगीची कागदपत्रे नसल्यास सदनिकांची खरेदी-विक्री थांबणार

राज्य शासनाचा नवा आदेश; बांधकाम परवानगी, मंजूर नकाशा आणि आवश्यक प्रमाणपत्रांशिवाय दस्तनोंदणी नाही, नियम मोडणाऱ्या दुय्यम निबंधकांवर चौकशीचा इशारा
Construction
ConstructionPudhari
Published on: 
Updated on: 

पिंपरी: पिंपरी-चिंचवड शहरातील अनधिकृत बांधकामांना राज्य शासनाच्या नवीन अध्यादेशामुळे चाप बसणार आहे. बांधकाम परवानगीचे सर्व कागदपत्रे सादर केल्याशिवाय त्या सदनिकांची दस्तऐवज नोंदणी केली जाणार आहे. बेशिस्तपणे बेसुमार वाढणार्‍या पिंपरी-चिंचवड शहराला त्या अध्यादेशामुळे अनधिकृत बांधकामांना लगाम बसून, प्रशासनाला दिलासा मिळणार आहे.

Construction
Harit Setu Project: पिंपरी-चिंचवडच्या ‘हरित सेतू’ची संयुक्त राष्ट्रांच्या हवामान परिषदेत दखल; जागतिक व्यासपीठावर शहराचा ठसा

राज्यातील काही भागात महापालिकेची रितसर परवानगी न घेता, बांधकाम प्रकल्प उभारून त्यातील सदनिकांची विक्री करण्यात येत आहेत. तसेच, मंजूर बांधकाम क्षेत्रफळापेक्षा जास्त क्षेत्रफळाच्या सदनिकांची विक्री करण्याचे प्रकार दिसून आले आहेत. अशा गैरप्रकारामुळे संबंधित सदनिकाधारकांची आर्थिक फसवणूक होत आहे. त्याला प्रतिबंध घालण्यासाठी विनापरवानगी बांधलेल्या सदनिकांचे किंवा मंजूर क्षेत्रापेक्षा जास्त क्षेत्रांच्या सदनिकांचे हस्तांतरणाचे दस्तऐवजांची नोंदणी करण्याबाबत राज्यातील दुय्यम निबंधकांना महसूल विभागाकडून नुकतेच आदेश देण्यात आले आहेत. कोणत्याही बांधकाम प्रकल्पामधील सदनिकांचे प्रथम विक्रीसाठी करार, खरेदीखत किंवा डीड ऑफ अपार्टमेंट, हस्तांतरणपत्र या प्रकारचे दस्तऐवज नोंदणी करताना बांधकाम परवानगीची कागदपत्रे नसल्यास दस्तऐवज नोंदणी करू नये, असे स्पष्ट आदेश महसूल विभागाने राज्यातील दुय्यम निबंधकांना दिले आहेत.

Construction
Lonavala Shop Theft: लोणावळ्यात चोरट्यांचा धुमाकूळ! एकाच रात्री पाच दुकाने फोडली; १६ हजारांची रोकड लंपास

प्रकल्प स्थावर संपदा (नियमन व विकसन) प्राधिकरण अधिनियम, 2016 च्या कलम 3 नुसार महाराष्ट्र स्थावर संपदा नियामक प्राधिकरणाकडे नोंदणी करण्याची आवश्यकता असेल तर, प्राधिकरणातील नोंदणी प्रमाणपत्र किंवा भोगवटा प्रमाणपत्र, मंजूर बांधकाम नकाशा, ज्यामध्ये सदनिकेचे क्षेत्रफळ नमूद असावे. ती कागदपत्रे नसल्यास दस्त नोंद करण्यात येऊ नये. महाराष्ट्र स्थावर संपदा नियामक प्राधिकरणाकडे नोंदणी करण्याची आवश्यता नसेल तर, महापालिकेकडील बांधकाम परवानगी किंवा प्रारंभ प्रमाणपत्र, मंजूर बांधकाम नकाशा (ज्यामध्ये सदनिकेचे क्षेत्रफळ नमूद आहे), झोन दाखला, मोजणी नकाशा, सदनिकेचे क्षेत्रफळ मंजूर नकाशामधील क्षेत्रफळापेक्षा जास्त असेल तर, ते बांधकाम अनधिकृत समजून, त्याची दुय्यम निबंधकांनी नोंदणी करू नये, असे आदेश महसूल विभागाने दुय्यक निबंधकांना दिले आहेत.

Construction
Pimpri Chinchwad Dengue Cases: थंडी सुरू, तरी डासांचा डंख कायम! पिंपरी-चिंचवडमध्ये डेंग्यूचे ३३ रुग्ण पॉझिटिव्ह

या सूचनांचे पालन न करता अनधिकृत बांधकामाच्या दस्ताची जाणीवपूर्वक नोंदणी केल्यास दुय्यम निबंधकांविरुद्ध विभागीय चौकशी करण्याचा इशारा महसूल विभागाने दिला आहे. महसूल विभागाच्या या आदेशामुळे पिंपरी-चिंचवड शहरातील अनधिकृत बांधकामांची खरेदी-विक्री दस्त नोंदणी थांबणार आहे. परिणामी, अनधिकृत बांधकामांना बर्‍यापैकी आळा बसणार आहे, असा विश्वास अधिकार्‍यांनी व्यक्त केला आहे.

Construction
Pimpri Chinchwad Pet License: पिंपरी-चिंचवडमध्ये ९० टक्क्यांहून अधिक पाळीव प्राणी विनापरवाना; ७५ रुपयांच्या शुल्काकडे मालकांची पाठ

दुय्यम निबंधकांसह महावितरणकडे अनधिकृत बांधकामांची सर्व्हे क्रमांकासह यादी सादर

पिंपरी-चिंचवड महापालिकेने शहरातील सर्व भागांतील अनधिकृत बांधकामांची सर्व्हे क्रमांकाच्या पत्तासह यादी दुय्यम निबंधक कार्यालयाकडे सादर केली आहे. त्या सर्व्हे क्रमांकावरील सदनिकांची दस्तऐवज नोंदणी न करण्याचे दुय्यक निबंधकांना कळवले आहे. तसेच, महावितरण कंपनीसही ती यादी देण्यात आली आहे. त्या सदनिकांना वीजजोड न देण्याचे महापालिकेने सांगितले आहे. महापालिकेकडून त्या सदनिकांना नळजोड तसेच, ड्रेनेजलाईन जोड दिला जाणार नाही, असे महापालिकेच्या अतिरिक्त आयुक्त तृप्ती सांडभोर यांनी सांगितले.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.