पिंपरी: कर सल्लागाराने दोन वर्षांपासून कंपनीचा जीएसटी भरण्यासाठी 10 लाख 2 हजार रुपये घेतले; मात्र ही रक्कम स्वत:च्या फायद्यासाठी वापरून कंपनीची फसवणूक केल्याचा प्रकार उघड झाला आहे. ही घटना भोसरीतील धावडे वस्ती येथे जून 2023 ते डिसेंबर 2025 या कालावधीत घडली.
मिलिंद विठ्ठलराव घाटे (55, रा. मोरेवस्ती, चिखली, मूळ - देगलूर, जि. नांदेड) व त्याची महिला साथीदार अशी गुन्हा दाखल झालेल्या आरोपींची नावे आहेत. ऋषिकेश रावजी थोरात (35, रा. मातृपितृ कृपा बिल्डिंग, धावडेवस्ती, भोसरी) यांनी भोसरी पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, आर. डी. कॉर्पोरेशन या फर्मची जीएसटी रक्कम भरण्याचे काम आरोपी घाटे याच्याकडे सोपविण्यात आले होते. मात्र, त्याने जीएसटी पोर्टलवर आवश्यक नोंदी न करता खरेदीड्ढविक्री बिलामध्ये फेरफार केला. तसेच जीएसटी भरण्यासाठी फिर्यादीकडून घेतलेली 10 लाख 2 हजार 749 रुपयांची रक्कम स्वत:च्या फायद्यासाठी वापरून फसवणूक केली. फौजदार कस्तुरे तपास करीत आहेत.
