रील्ससाठी काहीही; हातात बाळ अन् सोबत सिगारेटही

नवी दिल्ली : रील तयार करण्यासाठी एका महिलेने साऱ्या मर्यादा ओलांडल्या असून, तिला ताबडतोब बेड्या ठोकाव्यात, अशी मागणी नेटकऱ्यांकडून केली जात आहे. यासंदर्भात व्हायरल झालेल्या व्हिडीओत संबंधित महिलेच्या एका हातात लहान बाळ दिसत असून, दुसऱ्या हातात तिने सिगारेट पकडली आहे. हा व्हिडीओ पाहून लोकांनी संताप व्यक्त केला आहे.

सिगारेटचा झुरका मारल्यानंतर ती मुलासमोरच तोंडातून धूर सोडते. व्हिडीओच्या बॅकग्राऊंडला एक हिंदी गाणे लावण्यात आले आहे. या गाण्यावर ती महिला रील बनवत असल्याचे दिसून येते. पत्रकार आणि सामाजिक कार्यकर्त्या दीपिका भारद्वाज यांनी हा व्हिडीओ शेअर केला आहे. विशेष म्हणजे यातील बाळसुद्धा त्या महिलेचे नाही. सिगारेटमुळे बाळाच्या आरोग्यावर विपरीत परिणाम होऊ शकतो. मात्र, त्याबद्दल या महिलेला ना खंत आहे, ना खेद.

हेही वाचा : 

• रील्स तयार करताना कार कोसळली दरीत; तरुणी ठार
• खून का बदला खून की, रील्सची खुन्नस?