कोलकाता : पश्चिम बंगाल विधानसभा निवडणुकीतील पराभवानंतर तृणमूल काँग्रेसने विधानसभेसाठी नवीन फळी जाहीर केली आहे. पक्षाने अनुभवी नेते आणि बालीगंजचे आमदार शोभनदेव चटोपाध्याय यांची विरोधी पक्षनेतेपदी नियुक्ती केली.
यासोबतच धनेखळीच्या आमदार असिमा पात्रा आणि चौरंगीच्या आमदार नयना बंडोपाध्याय यांची विरोधी पक्षाचे उपनेते म्हणून निवड करण्यात आली आहे. कोलकाता पोर्टचे आमदार आणि कोलकाताचे महापौर फिरहाद हकीम यांची विधानसभेत मुख्य प्रतोद म्हणून नियुक्ती करण्यात आली आहे.
नुकत्याच झालेल्या 294 जागांच्या विधानसभा निवडणुकीत भाजपने 207 जागा जिंकून ऐतिहासिक विजय मिळवला. 80 जागांसह तृणमूल आता विरोधी पक्षाची भूमिका बजावणार आहे. नवनियुक्त नेते बंगालच्या जनतेच्या हितासाठी कटिबद्ध राहून काम करतील, असे पक्षाने म्हटले आहे.
