RBI Assistant Recruitment 2026
मुंबई: भारतीय रिझर्व्ह बँकेने सहाय्यक पदांच्या भरतीसाठी अधिकृत अधिसूचना प्रसिद्ध केली असून, देशभरातील विविध कार्यालयांमध्ये ६५० रिक्त पदांची घोषणा केली आहे. ही भरती स्पर्धा परीक्षेच्या माध्यमातून केली जाणार आहे. यासाठी पात्र उमेदवारांकडून अर्ज मागवण्यात आले आहेत. १६ फेब्रुवारी पासून नोंदणी प्रक्रिया सुरू झाली असून पात्र उमेदवार RBI च्या अधिकृत वेबसाइट www.rbi.org.in वरून ऑनलाइन अर्ज करू शकतात.
पदांचा तपशील
अहमदाबाद, बेंगळुरू, भोपाळ, चंदीगड, चेन्नई, गुवाहाटी, हैदराबाद, जयपूर, जम्मू, कानपूर आणि लखनऊ, कोलकाता, मुंबई, नागपूर, नवी दिल्ली, पाटणा आणि तिरुवनंतपुरम अशा विविध RBI कार्यालयांमध्ये एकूण ६५० पदे जाहीर करण्यात आली आहेत. बँकेच्या गरजेनुसार ही संख्या कमी किंवा जास्त होऊ शकते.
पात्रतेचे निकष
राष्ट्रीयत्व: भारतीय नागरिक, किंवा नेपाळ किंवा भूतानचे प्रजाजन, किंवा १ जानेवारी १९६२ पूर्वी भारतात आलेले तिबेटी निर्वासित, किंवा भारतीय वंशाच्या व्यक्ती ज्या विशिष्ट देशांतून भारतात कायमस्वरूपी स्थायिक होण्याच्या उद्देशाने स्थलांतरित झाल्या आहेत (भारत सरकारचे पात्रता प्रमाणपत्र आवश्यक).
वयोमर्यादा (१ फेब्रुवारी २०२६ पर्यंत): किमान वय: २० वर्षे, कमाल वय: २८ वर्षे उमेदवाराचा जन्म २ फेब्रुवारी १९९८ ते १ फेब्रुवारी २००६ या दरम्यान झालेला असावा (दोन्ही तारखांसह).
शैक्षणिक पात्रता: कोणत्याही शाखेतील पदवी किमान ५०% गुणांसह (SC/ST/PwBD उमेदवारांसाठी केवळ उत्तीर्ण श्रेणी).
संगणकावर वर्ड प्रोसेसिंगचे ज्ञान आवश्यक.
ज्या राज्यासाठी अर्ज करत आहात, तिथल्या स्थानिक भाषेचे ज्ञान (वाचणे, लिहिणे, बोलणे आणि समजणे) अनिवार्य आहे.
माजी सैनिकांसाठी: किमान १५ वर्षांच्या संरक्षण सेवेनंतर मान्यताप्राप्त विद्यापीठाची पदवी किंवा समकक्ष पात्रता.
निवड प्रक्रिया
निवड प्रक्रिया तीन टप्प्यांत पार पडेल:
१. पूर्व परीक्षा
२. मुख्य परीक्षा
३. भाषा प्रवीणता चाचणी
पूर्व परीक्षा:
इंग्रजी भाषा: ३० प्रश्न (३० गुण)
संख्यात्मक अभियोग्यता: ३५ प्रश्न (३५ गुण)
बुद्धिमत्ता चाचणी : ३५ प्रश्न (३५ गुण)
एकूण: १०० प्रश्न, १०० गुण (वेळ: ६० मिनिटे)
मुख्य परीक्षा:
बुद्धिमत्ता: ४० प्रश्न (४० गुण)
इंग्रजी भाषा: ४० प्रश्न (४० गुण)
संख्यात्मक अभियोग्यता: ४० प्रश्न (४० गुण)
सामान्य जागरूकता: ४० प्रश्न (४० गुण)
संगणक ज्ञान: ४० प्रश्न (४० गुण)
एकूण: २०० प्रश्न, २०० गुण
